क्षिप्राच्या ब्लॉगवरच्या तिच्या प्रिय या कवितेतल्या तुझ्या माझ्यावरच्या तात्कालिक प्रेमामुळे मी कधी फुशारुन गेले नाही या पहिल्या दोन ओळी चोरून पुढे.... ----------------------------------------- तुझ्या माझ्यावरच्या तात्कालिक प्रेमामुळे मी कधी फुशारुन गेले नाही मी मोहरले नक्कीच हे तात्कालिकच आहे अशी समजूत घातली स्वतःची तगमग शांतवण्यासाठी 'का होईना! ओढ तर आहे' अशीही समजूत घातली मनाची सुखवून जाण्यासाठी.. या तात्कालिक प्रेमाआड नक्की काय आहे मी कधीच पाह्यलं नाही. गरज वाटली नाही भितीही वाटली. प्रिय मित्रा, मला सांग रे तात्कालिकची मर्यादा किती? किती दिवस, आठवडे, महिन्यापुरती? की मिठी, चुंबन, देहापुरती? सांगच! बोलून टाकूया एकदा सगळं.. हा दुहेरी गोफ माझ्याच्याने पेलत नाही रे!