कविता

मंडळी, आज वेळ मिळाला म्हणून लगोलग दोन कविता डोक्याला दोन कवीता सुचवू दिल्यात. (आपल्यावर होणार्‍या अन्यायाबद्दल क्षमस्व.)

प्रवास छान व्हावा
छान असते कल्पना बाबाची
टू -टायर ए.सी. ची तिकिटे
[मन श्रीमंत करण्यासाठी कधीतरी खर्च करावारे ..
उद्याची काळजी त्या गजाननाला ]
मस्त थंड डबा
सोबतआई नि बाबा
त्यांच्यां मनात दाटून येत असतो भक्तीचा उमाळा

रात्री छान झोप
पहाटे पहाटे आलेली जाग
दिसत असतात मला शेताचे हिरवे गार तुकडे
झाडाला लोंबत असतात शिंपी पक्षाची घरटी
पाखरांचे आवाज
मी आपल्यातच मस्त
मी विसरून जात असतो
त्या महानगरातले जगणे
किडामुंगी होऊन ...!!

आकाशातील मी घन काळा
रोज शृंगारीत होतो मी
लेऊन रंग शलाका

नाही सीमा नाही बंधन
नभात स्वैर फिरणारा
मी मेघ-राजा

पण लोभ असा मज जडला
प्रवास संपून गार हवेच्या
प्रेमात जीव अडखळला

प्रीतीत तिच्या मी
जग विसरून गेलो
अस्तित्वास मुकून मी
आज बरसून गेलो

आसवांच्या झाल्या जलधारा
जीवनाचा हा खेळ सारा
जन्मण्यास पुनश्च देह माझा
नदीसागरात विलीन झाला

--------- शब्दमेघ ( २००७)

[सर्दीने अचानक बेजार झालो होतो. खूप दिवसांनी अशी जीवघेणी सर्दी.
डोके सुन्न .कान बधीर मन कासावीस . आणि अचानक जाणवले की हे सुन्नपण मस्त वाटतेय.
ऐकू येत नाही .छान वाटतेय. हा कोलाहल हा गोंधळ दुरून बघतोय.
मी माझे तात्पुरते सुन्नपण एन्जोय करीत होतो.तेच शब्दात मांडण्याचा प्रयत्न ]

मैत्रीमधे वजाबाकी
दोषांची करावी
मैत्रीमधे बेरीज ती
गुणांची करावी
मैत्रीत हवा गुणाकार
मैत्रीत नको भागाकार
मैत्रीच्या गणितांमधे
शून्याला नकोच आधार !
खेळता खेळता आकड्यांनी
मैत्रीचे धागे विणावे
विणता विणता धाग्यांनी
जाळे सुंदरसे बनवावे
मैत्रीच्या जाळ्यात
खूप खूप गुरफटावे
मैत्रीचे नंतर गणित
आयुष्यात ना सुटावे !!

'च॒'

हिच्या॒त च, तिच्या॒त च
ह्याच्या॒त च, त्याच्या॒त च
'च' अक्षर देशाच्या खूप उपयोगी पडते ॥१॥

च॒ळवळीत च
मोर्च्या॒त च
वच॒ननाम्यात च
प्रचा॒रात च
खुर्ची॒त च
बाचा॒बाची॒त च
राजकारण्यांशी 'च' चे बरेच सख्य दिसते
'च' अक्षर देशाच्या खूप उपयोगी पडते ॥२॥

भ्रष्टाचा॒रात च
लाच॒खोरात च
चा॒रा घोट्याळ्यात च
जकातीच्या च॒लनात च
बच॒त गटात च
ब्यांकेच्या चे॒कात च
चा॒लू खात्यात च
पैशांशीही 'च' चे खूप छान जमते
'च' अक्षर देशाच्या खूप उपयोगी पडते ॥३॥

आमची प्रेरणा.

माझा हा मिपा वरील नेहमीचा प्रयत्न ...सर्वांची मते,सूचना ऐकवण्याची आवश्यकता नाही..
तुम्हा टूकार लोकांकडून मार्गदर्शन मिळावे अशी तर अज्जीबात ईच्छा नाही.

रतिबी धागे जेंव्हा डोक्यात जातात,
आणि पाठ खाजवणारे आजूबाजूला पिंगा घालू लागतात,
कस सांगू तुला तेव्हा डायरीची आठवण अनावर असते...

जुनीच दारू जेव्हा नव्या बाटलीत अवतरते,
जुनेच स्कोर आठवून जेव्हा सेटल करत बसते,
कस सांगू तुला तेव्हा कंपुबाजांची आठवण अनावर असते...

माझा हा मिपा वरील पहिलाच प्रयत्न ...सर्वांची मते,सूचना ऐकण्यास उत्सुक आहे..
तुम्हा दिगज्ज लोकांकडून मार्गदर्शन मिळावे ही विनंती

निशब्द रात्री जेव्हा जागून निघतात,
आणि आपण पाहिलेलीच स्वप्न जेव्हा आजूबाजूला पिंगा घालू लागतात,
कस सांगू तुला तेव्हा तुझीच आठवण अनावर असते...

जुनेच message जेव्हा नव्याने वाचते,
जुनेच क्षण आठवून जेव्हा एकटीच हरवते,
कस सांगू तुला तेव्हा तुझीच आठवण अनावर असते...

डोळ्यांच्या कडा जेव्हा ओल्याच राहतात,
अर्धवट स्वप्नातही तुलाच पहिल्याचा दावा करतात,
कस सांगू तुला तेव्हा तुझीच आठवण अनावर असते...