मिसळपाव
मंडळी, आज वेळ मिळाला म्हणून लगोलग दोन कविता डोक्याला दोन कवीता सुचवू दिल्यात. (आपल्यावर होणार्‍या अन्यायाबद्दल क्षमस्व.)
किती वेळ करू सासराची सरबराई ||धृ||
तो नदीचा काठ अन आंबा मोहरलेला
हाळात जनावरं येती पाणी प्यायला
धुनं धुतल्यानंतर सावलीला तेथेच जाई
किती दिवस झाले माहेराला गेले नाही ||१||
ते उतारावरचं सटूबाईचं मंदीर
त्याच्याबाजूलाच मातीची गाढंवं
जनू कुंभाराकडे माठ पणती घ्यायला जाई
किती दिवस झाले माहेराला गेले नाही ||२||
शाळेसाठी चार मैल नेहमीचा चालायचे
येताजाता नदीकाठी मन रेंगाळायचे
त्या रस्त्यावरच मैत्रींणींच्या खोड्या होई
किती दिवस झाले माहेराला गेले नाही ||३||
सासरच्या घरी चांगलचुंगल खाते
इथल्या देवळांत देवदर्शनाला जाते
पण माहेराच्या आसरांना नैवेद्य कधीचा गेला नाही
किती दिवस झाले माहेराला गेले नाही ||४||
आईबापाची लाडाची लेक झाली मायेला पारखी
माहेराची आठवण मनामध्ये येई सारखी
तोंडावर हसू ठेवून, मन आठवात रेंगाळत राही
किती दिवस झाले माहेराला गेले नाही ||५||
- पाषाणभेद (दगडफोड्या)
१७/०२/२०११
| लेखनविषय: |
|---|
प्रतिक्रिया
सुरेख!
छान केलीये कविता!
सुंदर रे बोरकरांची " किती तरी
सुंदर रे
बोरकरांची " किती तरी दिवसात नाही चांदण्यात गेलो" ची आठवण झाली
कविता आवडली
कविता आवडली
पाषाणभेदा -ही छानच कविता आहे
पाषाणभेदा -ही छानच कविता आहे
तो नदीचा काठ अन आंबा मोहरलेला
हाळात जनावरं येती पाणी प्यायला
धुनं धुतल्यानंतर सावलीला तेथेच जाई
किती दिवस झाले माहेराला गेले नाही ||१||
आवडली रे मित्रा ..!!
छान कविता. कसं काय बुवा सुचतं
छान कविता.
कसं काय बुवा सुचतं हे सगळं!
मस्त.
मस्त.