परब्रह्म विटेवरी | दोन्ही कर कटेवरी
वाट भक्ताची पाहतो | देव पुंडलिकादारी
संत जनाईच्या घरी | दळण कांडण करी
ओव्या गातो भक्तासंगे | भावाचा भुकेला हरी
देव एकनाथाघरी | कावडीने पाणी भरी
सांभाळितो चोखोबाची | गुरे सावळा मुरारी
तुक्याचे अभंग तारी | कान्होपात्रेला उद्धारी
निवृत्ति, सोपान, मुक्ता| ज्ञानियाचा हात धरी
दुमदुमली पंढरी | रिंगणात वारकरी
नित्यनेमाने चालते | आषाढी कार्तिकी वारी
संत मी ना वारकरी | आळविते तुला तरी
आस मुक्तीची घेऊन | आले देवा तुझ्या दारी
प्रतिक्रिया
2 Jun 2009 - 8:25 pm | अनामिक
काय सुंदर छंद रचलाय तुम्ही...
संत मी ना वारकरी | आळवितो तुला तरी
आस मुक्तीची घेऊन | आलो देवा तुझ्या दारी
असेच म्हणावेसे वाटते.
-अनामिक
2 Jun 2009 - 8:28 pm | मदनबाण
व्वा.फारच सुंदर. ही कविता वाचुन हे गाणं आठवल मला...
http://www.youtube.com/watch?v=W3ZVmwquAdk
मदनबाण.....
I Was Born Intelligent,But Education Ruined Me.
Mark Twain.
2 Jun 2009 - 8:33 pm | नाना बेरके
तुमी आमाला पंढरीला नेऊन आणलंत. छान. अभंगच जणू.
2 Jun 2009 - 8:38 pm | प्राजु
सुरेख!! सुरेख!!!
अप्रतिम छंद!! :)
- (सर्वव्यापी)प्राजु
http://praaju.blogspot.com/
2 Jun 2009 - 11:23 pm | चन्द्रशेखर गोखले
भक्तिरसाने ओथंबलेले गीत !
3 Jun 2009 - 9:01 am | ऋषिकेश
सुंदर भक्तीमय कविता.. चालीत अगदी नीट म्हणता येतेय..
ऋषिकेश
------------------
बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे
3 Jun 2009 - 9:29 am | मनीषा
सुरेख भक्तीरचना ..
3 Jun 2009 - 1:09 pm | जागु
वा. प्रसन्न वाटल.
3 Jun 2009 - 1:22 pm | पाषाणभेद
मुल आणि कविता होईपर्यंत खाजगी असते आणि एकदा "झाल्यानंतर" ते सार्वजनीक होते.
- मराठी आणि बेळगाव, कारवार, अहवा, डांग, बर्हाणपूर, गोव्यासह संयुक्त महाराष्ट्र प्रेमी - पाषाणभेद उर्फ दगडफोड्या ( -राजेंनी बहाल केलेले नाव)
3 Jun 2009 - 1:36 pm | मराठमोळा
सुंदर रचना. चाल लावलीत का? :)
आपला मराठमोळा.
कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!
3 Jun 2009 - 2:46 pm | शाल्मली
सुंदर!
छान रचना आहे.
--शाल्मली.
3 Jun 2009 - 4:51 pm | अवलिया
वा! अतिशय मस्त !!
:)
--अवलिया
3 Jun 2009 - 11:43 pm | राघव
अतिशय सुंदर रचना!
हा अभंगच आहे.. खूप प्रसन्न वाटले वाचून.
असेच लिहीत रहा.
संत मी ना वारकरी | आळवितो तुला तरी
आस मुक्तीची घेऊन | आलो देवा तुझ्या दारी... क्या बात है!
राघव
9 Jun 2009 - 11:49 am | विसोबा खेचर
अतिशय प्रासादिक रचना...
(फ्यॅन) तात्या.