एक होतं ढोर

एक होता परा आदी कवितांमधून प्रेरणा घेऊन ही बालकविता रचण्याचा प्रयत्न.

एक होतं ढोर

एक होतं ढोर
त्यानं पाहिला चोर
ढोर लागले चोराच्या मागे
चोर पळाला वेगे वेगे
"वाचवा ! वाचवा !!"
चोर ओरडला
लोकं धावली
ढोरालाच पकडायला
अखेर लोकांनी
ढोराला पकडून
खुंट्याला बांधून
ठेवला करकचून
चोराला आनंद झाला फार
म्हणे , ढोरांपेक्षा माणसेच हुशार
मुक्या प्राण्याची मुकी वेदना
ढोराला काहीच सांगता येईना !!