माणसं !

माणसं !

महाग झालेली पुस्तकं परवडत नाहीत हल्ली
पण स्वस्त झालेली माणसं वाचायला मिळतात !
अन सगळीकडे उपलब्ध पण असतात !

कधी कधी पटकन वाचून होतात माणसं
कधी समजतच नाहीत, कळतंच नाहीत माणसं !

छोटी माणसं , मोठी माणसं
जाड माणसं , बारीक माणसं !
खरी माणसं , खोटी माणसं ,
सगळ्या साईजची ,सगळ्या विषयांची माणसं !

काही अबोल, अव्यक्त, मनकवडी माणसं
काही बोलकी बडबडी, बोलघेवडी माणसं
आपणंच विशेषणे दिलेली माणसं
स्वतःला विशेषणे लावून घेतलेली माणसं !

काही आपली , काही परकी माणसं
दूर जाऊनही जवळ असलेली माणसं !
खोल खोल मनामधली, मनकवडी माणसं !
विसरलो असं म्हणून आठवणारी माणसं !

खोल खोल मनामधली, प्रेमाची माणसं !
विसरलो असं म्हणून आठवणारी माणसं !
तुझं , माझं , ज्याचं त्याचं करणारी माणसं
मातीतून आलेली मातीतंच हरवणारी माणसं

पाठीवर थाप, हातावर टाळी देणारी माणसं
थरथरत्या हातानेही घट्ट धरून ठेवणारी माणसं
स्वतःला देव मानणारी माणसं ,
तर कधी माणसांमधे देव शोधणारी माणसं !

खूप खूप प्रकारची नसलेली आणि असलेली माणसं ,
वाचून उरलेली काही …..
तर काही संपलेली पण अजूनही वाचावीत अशी ....... माणसं !

-----------------------फिझा