अखाडा - गझल
लोकहो !
बरेच दिवसांनी गझल लिहून झाली. तात्या, चित्तरंजन, मिलिंद, केशवसुमार आणि इतर मित्र फार मागे लागले होते गझल लिही, गझल लिही. मला लिहिते करण्यात त्यांचा वाटा आहे. म्हणून ही गझल या मित्रांना अर्पण.
केश्या,
आता या गझलेचे झकास विडंबन टाक पाहू ! तुला कच्चा माल दिला आहे. काफियाही विडंबनाला अनुकूल आहे. काहीतरी झणझणीत विडंबन येऊ दे. मिसळपावला शोभेल असं.
झ== हाही काफिया विडंबनात तुला वापरता येईल. गझलेवर असलेल्या बंधनांमुळे मी तो वापरू शकलेलो नाही. पण विडंबनात तो फिट बसतो. असो.
तर गझल अशी आहे:-
जिंदगी झाली अखाडा
रोज खस्ता, रोज राडा
गारवा नाही मिळाला
सोसला नुसता उकाडा
दु:खितांचे गीत माझे
हा न धेंडांचा पवाडा
सूर्य क्रांतीचा उगवला
खोल रे आता कवाडा !
काय मी मेलो कळेना?
भोवती पडला गराडा
हासतो माझ्यासवे मी
पाहुनी माझा चुराडा
वेदना शब्दात आली
तूच गझले कर निवाडा
--- धोंडोपंत
मस्त गजल!
गजल मस्त जमलेय.
दु:खितांचे गीत माझे
हा न धेंड्यांचा पवाडा च्या ऐवजी 'धेंडांचा'
केल्यास काही हरकत?
माफ करा! तुमच्या वृत्तात ते बसते की नाही माहित नाही. तसे नसल्याल ही एक रावसाहेबी सूचना आहे असे समजून सोडून द्या.
धन्यवाद प्रमोदराव
धन्यवाद प्रमोदराव,
आपल्या अभिप्रायाबद्दल धन्यवाद. आपल्याला गझल आवडली हे वाचून आनंद झाला.
सूचनेबद्दल मनापासून धन्यवाद. बदल केला आहे. असाच लोभ ठेवा.
आपला,
(आभारी) धोंडोपंत
आम्हाला येथे भेट द्या http://dhondopant.blogspot.com
आम्हाला इथे भेट द्या: http://dhondopant.blogspot.com
( फिर पलट आयी है, सावन की सुहानी रातें..... फिर तेरी याद में, जलने के ज़माने आये!.....)
"काय मी
"काय मी मेलो कळेना?
भोवती पडला गराडा"
हे मात्र एकदम खास.
मस्त गझल जमली आहे.
राजे
(*हेच राज जैन आहेत)
माझे शब्द....
राजे
राजे,
अभिप्रायाबद्दल धन्यवाद. आपल्याला गझल आवडली हे वाचून आनंद झाला.
आपला,
(आनंदित) धोंडोपंत
आम्हाला येथे भेट द्या http://dhondopant.blogspot.com
आम्हाला इथे भेट द्या: http://dhondopant.blogspot.com
( फिर पलट आयी है, सावन की सुहानी रातें..... फिर तेरी याद में, जलने के ज़माने आये!.....)
मस्त/एक प्रयत्न
सुंदर गझल धोंडोपंत. केशवसुमारांचे फर्मास विडंबन येईलच, तोवर माझा हा एक तोडका-मोडका प्रयत्न. वृत्तात वा यमकात कुठे चुका असतील तर कृपया सुधारणा सुचवाव्यात.
पाखरू आले शिवारा
मंद तारे, शीत वारा
काय सांगू मी तयाला
हाय जन्माचा कवारा
एकटा फिरतो जगी या
देऊ तुज कैसा निवारा
चित्र माझे म्लान का रे
भोवती रंगी फवारा
सागुतीची याद येई
आज खातो मी गवारा
सोनियाचे दिवस सारे
कोण रे पुसतो पवारा
जेथ मी रे राज्य केले
आज तेथे केरवारा
नंदन
(मराठी साहित्यविषयक अनुदिनी
http://marathisahitya.blogspot.com/)
नंदन
मराठी साहित्यविषयक अनुदिनी
वा!
सागुतीची याद येई
आज खातो मी गवारा
सोनियाचे दिवस सारे
कोण रे पुसतो पवारा
जेथ मी रे राज्य केले
आज तेथे केरवारा
वा नंदनकाका, वरील ओळी सर्वात ब्येष्ट!
मस्त!
तात्या.
--Life is a questions nobody can answer It… and the Death is an answer, nobody can question it..!
वा वा वा वा
वा वा वा वा नंदनराव,
अप्रतिम विडंबन. क्या बात है !!
सोनियाचे दिवस सारे
कोण रे पुसतो पवारा
हा हा हा हा हा हा हा हा .............. बहोत ख़ूब. सुंदर.
आपला,
(हसरा) धोंडोपंत
आपल्याला गझल आवडली हे वाचून आनंद झाला. असाच लोभ ठेवा.
आपला,
(आनंदित) धोंडोपंत
आम्हाला येथे भेट द्या http://dhondopant.blogspot.com
आम्हाला इथे भेट द्या: http://dhondopant.blogspot.com
( फिर पलट आयी है, सावन की सुहानी रातें..... फिर तेरी याद में, जलने के ज़माने आये!.....)
हाहा
मस्त नंदनशेठ!
विडंबन फर्मास.
सोनियाचे दिवस सारे
कोण रे पुसतो पवारा
ह्या ओळी मस्तच.
एकटा फिरतो जगी या
देऊ तुज कैसा निवारा
ह्म्म.. गुंडोपंतांशी संपर्क साधा. त्यांचा नवा जोडव्यवसाय आहे आता.
- आजानुकर्ण
-- आजानुकर्ण
(माझा हा प्रतिसाद तुम्हांला अश्लील तर वाटत नाही ना?)
खासच
"एक प्रयत्न" खासच जमला आहे. विशेषकरून-
चित्र माझे म्लान का रे
भोवती रंगी फवारा
या ओळी खूपच आवडल्या.
पुष्कराक्ष
मस्त रे !
मस्त रे नंदन !!
- सर्किट
मस्त !!!
पंत,
गझल आवडली.
वेदना शब्दात आली
तूच गझले कर निवाडा
हे तर लै भारी.
धन्यवाद प्राध्यापक साहेब
धन्यवाद प्राध्यापक साहेब,
आपल्यासारख्या जाणकाराच्या पसंतीस गझल उतरली , हे वाचून आनंद झाला.
आपला,
(स्नेही) धोंडोपंत
आम्हाला येथे भेट द्या http://dhondopant.blogspot.com
आम्हाला इथे भेट द्या: http://dhondopant.blogspot.com
( फिर पलट आयी है, सावन की सुहानी रातें..... फिर तेरी याद में, जलने के ज़माने आये!.....)
सुंदर..
वा धोंड्या! सुंदर गझल...
गारवा नाही मिळाला
सोसला नुसता उकाडा
वेदना शब्दात आली
तूच गझले कर निवाडा
या ओळी विशेष आवडल्या...
बरेच दिवसांनी गझल लिहून झाली. तात्या, चित्तरंजन, मिलिंद, केशवसुमार आणि इतर मित्र फार मागे लागले होते गझल लिही, गझल लिही. मला लिहिते करण्यात त्यांचा वाटा आहे. म्हणून ही गझल या मित्रांना अर्पण.
एखाद्या कलाकाराची अभिव्यक्ति कधी थांबू नये असं वाटतं म्हणूनच आग्रह होता. सुरवात केलीस, फार बरं वाटलं! पुढील लेखनाकरताही मनापासून शुभेच्छा...
तुझा कोकण्या मित्र,
तात्या.
--Life is a questions nobody can answer It… and the Death is an answer, nobody can question it..!
तात्या
एखाद्या कलाकाराची अभिव्यक्ति कधी थांबू नये असं वाटतं म्हणूनच आग्रह होता. सुरवात केलीस, फार बरं वाटलं! पुढील लेखनाकरताही मनापासून शुभेच्छा...
तात्या,
तुझे म्हणणे खरे आहे. खूप मोठा ब्लॉक आयुष्यात आला होता. ते तुला सर्व माहित आहेच.
तुझ्यासारख्या मित्रांमुळे अडलेली लेखणी पुन्हा सुरू झाली. तुमच्या सातत्याने केलेल्या मागणीमुळे पाटातला तुंब निघाला. प्रवाहाला वाट मिळाली. पाझर सुरू झाला.
आपला,
(प्रवाही) धोंडोपंत
आम्हाला येथे भेट द्या http://dhondopant.blogspot.com
आम्हाला इथे भेट द्या: http://dhondopant.blogspot.com
( फिर पलट आयी है, सावन की सुहानी रातें..... फिर तेरी याद में, जलने के ज़माने आये!.....)
वाहव्वा
सुरेख गझल धोंडोपंत.
हासतो माझ्यासवे मी
पाहुनी माझा चुराडा
या ओळी तर विशेष आवडल्या.
-(खूष) आजानुकर्ण
-- आजानुकर्ण
(माझा हा प्रतिसाद तुम्हांला अश्लील तर वाटत नाही ना?)
मस्त
पंत,
गझल छान आहे. बर्याच मोठ्या कालावधीनंतर आपली लेखणी ही अनमोल भेट घेऊन आली, असेच म्हणावे लागेल.
दु:खितांचे गीत माझे
हा न धेंडांचा पवाडा
हासतो माझ्यासवे मी
पाहुनी माझा चुराडा
हे शेर विशेष आवडले.
(आपला चाहता)बेसनलाडू
खोल च्या ऐवजी उघड चालेल का?
(सूचक)बेसनलाडू
वा!
धोंडोपंत,
कसे.) बाकी बेसनलाडूंशी सहमत..
बोळा निघाला आणि आपण प्रवाही झालत हे बेस झाले..( चला चांगल्या कच्या मालाची काळजी मिटली
सुरेख गझल वाचायचा आनंद दिल्या बद्दल आपला आभारी.. आता खंड न पडता वरचे वर असा आनंद आम्हा सगळ्यां वाचकांना मिळण्याची व्यवस्था करावी ही विनंती..
(आपला चाहता)केशवसुमार.
आपल्या आज्ञे नुसार 'झ**' काफिया वापरून केलेले विडंबन इथे वाचा
(आज्ञाधारक)केशवसुमार
वा, पंत
गझल आवडली हो.
जिंदगी झाली अखाडा
रोज खस्ता, रोज राडा
क्या बात है. सहज आणि मस्त.
काय मी मेलो कळेना?
भोवती पडला गराडा
क्या बात है.
हासतो माझ्यासवे मी
पाहुनी माझा चुराडा
हे शेर नेहमी लक्षात राहतील. आता इंजिन गरम झाले आहे. थांबू नका.
चुराडा !!!
हासतो माझ्यासवे मी
पाहुनी माझा चुराडा
जबर्दस्त ओळी !!!
क्या बात है धोंडोपंत !
सुंदर गझल !
- सर्किट
छान
छान गझल...
हासतो माझ्यासवे मी
पाहुनी माझा चुराडा
स्वतःची चुकी उमगल्यावर /स्वत:वरील दुखावर हसणे हेही वेगळेपणच आहे.
(सध्या सिनेमातील वाक्ये आठवतात म्हणून आणखी एक..
मि. नटवरलाल मध्ये अमिताभ स्वतःवरच हसत असतो. तो कादर खान ला हेच सांगतो, की मी स्वतःच्या चुकीवर हसत आहे.)
फक्कड
जमलीय हो गझल.
काय मी मेलो कळेना?
भोवती पडला गराडा
हे बाकी भलतेच हो! आवडले!!
-कि'गार
**************************************************
अल्कोहोलचा परिणाम दुसरे काय?
सुंदर / सुंदर गझल
जिंदगी झाली अखाडा
रोज खस्ता, रोज राडा
गारवा नाही मिळाला
सोसला नुसता उकाडा
दु:खितांचे गीत माझे
हा न धेंडांचा पवाडा
या ओळी विशेष आवडल्या !
- विजय