पुतळा
------------------------------------------------------
' साहेब ...'
' बोल ...'
' शासनाच्या प्रत्तेक निर्णयाला विरोध करायचा हीच आपली पक्षीय नीती आहे ना ? '
' बरं ? मगं ? '
' मग मुख्यमंत्र्यांच्या नव्या घोषणेचं आपण स्वागत आणि समर्थन कसं केलत ? '
' कोणती घोषणा ? '
' तीच ... शहरातल्या मध्यवर्ती भागात त्या राजनेत्याचा पुतळा उभा करण्याची ?
आपण म्हणालात, की कुठल्या ही विधायक कार्यात आम्ही सत्याधार्यांच्या बाजूने राहू ! सत्ताधारी पक्षाला साथ देऊ ! '
' अरे मूर्खा , पुतळा उभा करण्यासाठी वर्गणी गोळा करावी लागेल .'
' बरोबर ! '
' या कामात आपण त्यांना मदत करु ! '
' का ? '
' म्हणजे वर्गणीचा काही भाग आपल्या खजिन्यात जाऊ शकेल !'
' हं ! हे ही बरोबर ! '
' पुतळा उभा केल्यानंतर कुणी ना कुणी, कधी ना कधी , पुतळयाची विटंबना करणारच ! '
' अं ...'
'...... आणि तसं नाही झालंच, तर आपण ती व्यवस्था करु ... काय?
' पण का ? '
' त्या निमित्याने शहरात दंगा होईल. जाळपोळ, लुटालुट होईल. मग काय, आपली चांदीच चांदी ... काय ?'
' खरंय साहेब ...'
प्रतिक्रिया
23 Sep 2008 - 6:46 pm | ३_१४ विक्षिप्त अदिती
हीपण झकास जमल्येय कथा! मस्त टोले हाणताय तुम्ही! येऊ द्या अजूनही!
अदिती
23 Sep 2008 - 6:55 pm | प्रभाकर पेठकर
कथेत विशेष जीवंतपणा आढळला नाही. कथाबिजाच्या अभावाने लिखाण सपक झाले आहे.
पुढील कथेसाठी शुभेच्छा!
23 Sep 2008 - 8:35 pm | प्राजु
जिवंतपणा नाही जाणवला..
- (सर्वव्यापी)प्राजु
http://praaju.blogspot.com/
23 Sep 2008 - 8:44 pm | धनंजय
पण जरा लांबली आहे.
"यू सेड इट" प्रकारचे मस्तपैकी व्यंगचित्र करण्यालायक कल्पना आहे.
गल्ली-गुंड-छाप पुढारी त्याच्या बावळट पंटरला म्हणत आहे :
"विरोधकाच्या पुतळ्यासाठी चंदा का गोळा करायचा विचारतोस? पुढे त्याला शेण फासायचा ऍडव्हान्स घेऊन ठेवलेलाय!!!"
(मागे म्हटले की कथा फार तोकडी आहे. आता म्हणतो फार लांबली आहे. काहीतरी कुस्पटे काढायची - टीकाकार म्हणून माझे भविष्य उज्ज्वल आहे.)
24 Sep 2008 - 8:37 am | अमोल केळकर
आपल्या चांगल्या / वाईट प्रतिक्रियेबद्दल धन्यवाद
--------------------------------------------------
भविष्याच्या अंतरंगात डोकावण्यासाठी इथे टिचकी मारा
24 Sep 2008 - 10:34 am | बिन्धास्त बबनी
राजनेत्याचा पुतळा म्हणजे नक्की कोणाचा? राजनेते अनेक!राजचा तर नव्हे ना?
24 Sep 2008 - 10:37 am | बिन्धास्त बबनी
ही अतिलघुकथा आहे कां?