खेड्यातला जाणता पाऊस
जबाबदारीनं गाव रान भिजवणारा,
म्हातार्या कोतार्यांची अलाबला
नी पिकांची दुवा घेणारा ....!!
शहरातला अप टु डेट पाऊस
ऑफीस शाळांच्या वेळेत हमखास येणारा
नौकरीदारांच्या शिव्या नी पालकांची बोलणी
गप गुमानपणे ऐकणारा...!!
घाटातला धटिंगन पाऊस
निर्वस्त्र, निर्लज्ज कसाही कोसळणारा ,
धबधब्यांना जागं करून
आनंदानं नाचविणारा....!!
बागेतला खट्याळ पाऊस
रेंगाळलत गुलाबी होवून पडणारा ,
प्रेमीकांची भिड चेपायला
सजल हस्ते मदत करणारा...!!
फ्लॅट मधला मुका पाऊस
बंद दाराआड गपगुमान पडणारा ,
रेन रेन गो अवे ऐकुन
खिन्नपणे परतणारा ...!!
चाळीतला मनमोकळा पाऊस
आस्थेने चौकशी करणारा,
कांदाभजींचा वास घेत
कागदी होड्यांवर आनंदाने डोलणारा ...!!
मनातला झिम्माड पाऊस
मनातल्या मनात पडणारा,
अन् सर ओसरल्यावरही
चिंब आठवांत उरणारा....!!!
प्रतिक्रिया
20 Jun 2015 - 7:10 pm | पैसा
छान आहे पाऊस कविता!
20 Jun 2015 - 7:58 pm | विवेकपटाईत
मनातला झिम्माड पाऊस
मनातल्या मनात पडणारा,
अन् सर ओसरल्यावरही
चिंब आठवांत उरणारा....!!!
सुंदरच ...
20 Jun 2015 - 10:13 pm | एक एकटा एकटाच
Classssss
20 Jun 2015 - 10:43 pm | अत्रुप्त आत्मा
मस्स्स्स्स्स्स्स्त!
20 Jun 2015 - 10:57 pm | गोल्या
धन्यवाद ☔
21 Jun 2015 - 11:44 pm | वेल्लाभट
फॅन्न्न्न्न्टास्टिक !
क्या बात है राव क्य बात है !
आहा ! आहा !
खलास. पुन्हा वाचतो.
22 Jun 2015 - 1:42 am | पद्मावति
छान सोपे शब्द त्यामुळे पटकन क्लिक झाली.