उरलेत भाव काही
संपलेत शब्द सारे
संपला प्रवास केव्हाच
अजुनी दूर किनारे
जेथे मैफीली सुरांच्या
होत्या कधी काळी
सजली तिथे आता
जखमांची मांदीयाळी
भिजलेला श्रावणगंध
वाहती अजूनी वारे ...
संपला प्रवास केव्हाच
अजूनी दूर किनारे ...
वाटेतल्या फुलांनो
रोखा श्वास तुमचे
विपरीत अर्थ आहेत
तुमच्या स्पंदनांचे
क्षण शेवटाचा उशाशी
तरीही गंध का रे?
संपला प्रवास केव्हाच
अजूनी दूर किनारे
कवी : निशांत तेंडोलकर ..
प्रतिक्रिया
25 May 2015 - 1:39 pm | मिसळलेला काव्यप्रेमी
छान
25 May 2015 - 4:14 pm | वेल्लाभट
कविता, भाव सगळं सुरेखच.
अवांतरः डडडा डडा डडाडा मीटरमधे बसवण्याचा प्रयत्न केला पण बसली नाही.
26 May 2015 - 7:25 am | चुकलामाकला
+१
कविता आवडली पण मिटरमध्ये बसली असती तर अजून मजा आली असती.
25 May 2015 - 4:35 pm | मित्रहो
सुंदर
25 May 2015 - 10:14 pm | एक एकटा एकटाच
छान लिहिलीय
उरलेत भाव काही
संपलेत शब्द सारे
संपला प्रवास केव्हाच
अजुनी दूर किनारे
मस्त
25 May 2015 - 10:15 pm | प्रा.डॉ.दिलीप बिरुटे
आवडली कविता.
-दिलीप बिरुटे
4 Jun 2015 - 11:02 am | Hrushikesh Marathe
अप्रतिम :)