ऋतु आला ऋतु गेला

शिरशिर गारव्याचा
ऋतु आला ऋतु गेला
पानगळीने सकाळी
सडा पिवळा पडला

सूर छेडिले नभांत
नाद घुमे काळजात
श्वेत मेघांचे हे गाणे
गाती निळ्या अंबरात

हुरहुर काहीलीचा
ऋतु आला ऋतु गेला
शालू हिरव्या पाचूचा
काळ्या आईने नेसला

तुझे पाऊल पडता
अस्सा होता तो देखावा
तुजविना साहवेना
आज पुन्हा तो चांदवा

- संध्या
डिसें २०११
( पीले पत्तो का मौसम जा चुका है या जावेदसाहेबांच्या मध्यवर्ती कल्पनेवरून हा मुक्त अनुवाद ..)