विसरलो नाही मी
तळव्यावरची जांभळी खूण
फोकाचा तो जाड व्यास
गणित म्हणजे काय अजून?
इतिहासाच्या सनावळी
एकाखाली एक शंभर ओळी
खाडाखोड केलीत तर
जाळ काढेन कानाखाली
शुद्धलेखन अलंकार
निबंधाचा सॅाल्लिड त्रास
वहीवरती लाल भोपळे
ओणवे रहा एक तास
आम्ल आणि अल्कली
सारी अक्कल बुडाली
शिवाय होती ठरलेली
शिव्यांची लाखोली
पाढे जर चुकलात तर
पायाखाली तुडवीन
कोंबडीचे पाय काढलेत तर
वहाणेने बडवीन
शीत वारे उष्ण वारे
इकडून तिकडे वाहून गेले
आमचे सारे बालपण
त्यांच्या संगे उडून गेले
गुरुजींच्या भितीमुळे
आपसूक शिकत गेलो
फटके खाल्ले थोडेफार
कणखर मात्र बनत गेलो
आयुष्यातले स्थैर्य
पाच आकडी पगार
कुणामुळे मिळाला
हा सुखी संसार?
ब्रॅंडेड शूज घेताना
तुटकी वहाण आठवते
कुणास ठाऊक कशासाठी
पापणी थोड़ी ओलावते....
प्रतिक्रिया
24 Mar 2015 - 10:49 am | वेल्लाभट
कुठेतरी वाचलेली वाटते... पोस्ट केलेलीत का आधी कुठे?
असो.
मस्तच आहे. ग्रेट !
24 Mar 2015 - 10:53 am | चुकलामाकला
५ सप्टेंबरला कस्कायवर टाकली होती .
24 Mar 2015 - 10:56 am | डॉ सुहास म्हात्रे
मस्त आहे कविता... भावापूर्ण शेवट !
24 Mar 2015 - 10:56 am | डॉ सुहास म्हात्रे
मस्त आहे कविता... भावापूर्ण शेवट !
24 Mar 2015 - 11:37 am | hitesh
चितळे मास्तर पद्यात आले
24 Mar 2015 - 12:17 pm | अत्रुप्त आत्मा
व्वाह व्वा!
24 Mar 2015 - 8:19 pm | श्रीरंग_जोशी
गुरुजनांविषयी माझ्याच भावना तुम्ही रचनाबद्ध केल्या आहेत असे वाटले.
25 Mar 2015 - 6:18 pm | एक एकटा एकटाच
आवडली
25 Mar 2015 - 6:40 pm | सूड
गुर्जी म्हटल्यावर मी जरा वेगळीच शक्यता वाटलीवती.
पण हे छान लिहीलंय.
30 Mar 2015 - 2:49 pm | चुकलामाकला
धन्यवाद मंडळी!_/\_
30 Mar 2015 - 3:15 pm | गणेशा
ब्रॅंडेड शूज घेताना
तुटकी वहाण आठवते
कुणास ठाऊक कशासाठी
पापणी थोड़ी ओलावते....
अप्रतिम
30 Mar 2015 - 3:45 pm | अजया
सुरेख सुरेख!आवडली कविता.
31 Mar 2015 - 12:05 pm | चुकलामाकला
धन्स हो!:)
5 Sep 2015 - 3:46 pm | दमामि
आज कस्कायवर ही कविता अनेक वेळा आली.
5 Sep 2015 - 5:07 pm | पद्मावति
फार छान कविता. आवडली.
5 Sep 2015 - 7:15 pm | मनीषा
समयोचित आणि छान कविता.
5 Sep 2015 - 7:38 pm | मांत्रिक
सुंदर कविता!!!
5 Sep 2015 - 7:47 pm | हेमंत लाटकर
मस्तच!
8 Sep 2015 - 5:36 pm | बाबा योगिराज
झ्याक....
8 Sep 2015 - 5:42 pm | बबन ताम्बे
सुंदर कविता.
8 Sep 2015 - 6:40 pm | सिरुसेरि
छान कविता . पुर्वी अशीच एक वाचलेली "मास्तर , तुम्ही जोडलेले वर्तुळ कुठे आहे ? " या नावाची कविता आठवली . कवी बहुतेक - फ. मुं. शिन्दे .