यज्ञ आहे हा जिवाला जाळण्याचा
प्रेम नाही छंद नुसता भाळण्याचा
छान हा दु:खासही आला फुलोरा
ये, वसा घे वेदनेला माळण्याचा
आणशी हे रोज तू कोठुन बहाणे
केवढा हा सोस तुजला टाळण्याचा
मी करू चिंता कशाला काजळाची
सोडला संकल्प मी डागाळण्याचा
श्वास घे माझे तुझ्या श्वासात भरुनी
ये, ऋतू आला फुले गंधाळण्याचा
डॉ.सुनील अहिरराव
प्रतिक्रिया
12 Jan 2015 - 10:50 am | अत्रुप्त आत्मा
छान!
12 Jan 2015 - 11:07 am | चुकलामाकला
गझल आवडली
12 Jan 2015 - 12:21 pm | मितान
आवडली.
13 Jan 2015 - 4:09 am | मदनबाण
रचना आवडली !
मदनबाण.....
आजची स्वाक्षरी :- रूठ ना जाना तुम से कहू तो... { 1942 A Love Story }
13 Jan 2015 - 9:50 am | drsunilahirrao
@अत्रुप्त आत्मा ,चुकलामाकला,मितान,मदनबाण,
खूप खूप आभार, मित्रहो!
16 Jan 2015 - 7:21 pm | पैसा
कविता आवडली.
18 Jan 2015 - 4:03 pm | सुचेता
आवडली. रचना बंदिस्त आहे
24 Jan 2015 - 3:29 pm | गणेशा
मतला सुंदर आहे एकदम
यज्ञ आहे हा जिवाला जाळण्याचा
प्रेम नाही छंद नुसता भाळण्याचा