पाश्च्यातांचे अनुकरण कितपत योग्य ?

:)

आपण पाश्चात्यांचे अनुकरण करून आपल्या पायावर धोंडा पाडून घेत आहोत. असे अनुकरण करणे अजिबात योग्य नाही. ही सगळी थेरे बंद झालीच पाहिजेत. आपल्या थोर्थोर संस्कॄतीचा पाईक होण्याचा प्रयत्न प्रत्येकाने केला पाहिजे. भले आपल्या संस्कॄतीत एके काळी स्त्रियांना नवर्‍याच्या चितेवर जाळत का असेनात, समाजातील एका मोठ्या घटकाला कायम दुय्यम सामाजिक स्थान का असेना, आमची संस्कॄती थोरच!
बाकी तुमची भगतसिंग, राजगुरू आणि सुखदेव यांच्या हौतात्म्याची तारीख चुकली. ती २३ मार्च १९३१ आहे.

वॅलेंटाईन डे साजरा करणारांना स्वातंत्र्ययोध्यांविषयी आदरभाव नसतो, हा निष्कर्ष कसा काय काढला? तुमच्या म्हणण्याप्रमाणे वागले तर, वर्षाचे सर्व ३६५ दिवस सुतकी चेहेर्‍याने काढावे लागतील!

आणि हे पाश्चिमात्यांचे (पाश्चात्यांचे नव्हे) अंधानुकरण फक्त वॅलेंटाईन डेलाच कसे दिसते? आम्ही त्यांची वेषभुषा स्वीकारली, त्यांची भाषा ही कार्यालयीन भाषा म्हणून स्वीकारली, त्यांची कालगणना व्यवहारात स्वीकारली, हे सगळेही सोडून द्यायचे काय?

(ड्राय डे सोडून कुठल्याही डेला विरोध नसणारा!) सुनील

एकांगी लेख.
जे जे चांगल असेल ते ते घ्याव.

आणि याच दिवसी १९३१ ला आपल्या देशातील क्रांतिकारक भगतसिंग, राजगुरू आणि सुखदेव यांना इंग्रजांनी फासी दिली.

बाकी या बद्दल काय बोलावे? जरा गुगलवरुन शोध घेतला की कळेल.
उगाच कुणी तरी पेटवतो आणि आपण लगेच मशाल असल्याचा अविर्भावात पेटायला लागतो.

अहो राजे,
कोणी कोणासाठी काम करत नाही. प्रत्येकजण फक्त स्वतःसाठी जगत आहे. त्यातून वेळ मिळालाच तर दुसर्‍याचा विचार करु शकतो. विचार करायला वेळ मिळाला तरच पुढची पायरी.
ज्या थोर लोकांची नावे तुम्ही घेतलीत तसे लोक फक्त बोटावर मोजण्यापुरतेच असतात.

आपल्याकडेही वर्षात एकच दिवस बैलपोळा , एकच दिवस गुरुपौर्णिमा , एकच दिवस भाऊबीज , एकच दिवस शस्त्रपूजा ,एकच दिवस तिळगूळ घ्या गोड बोला असे बरेच काही एकेक दिवसच असते.

हे सर्व प्रतीकात्मक दिवस आहेत. रोज सर्वानी सर्वांवर प्रेम केले तरी ते 24x7x365सतत दाखवत राहणे शक्य नसते..

पण ते व्यक्त करणे, दाखवणे यासाठी एक सांकेतिक दिवस ठरला असेल तर त्यात काय दुरित?

प्रथा पाळण्यात सर्वाना / बहुतांशाना आनंद मिळत असल्यास ती पाळावी की.

प्रथेची केवळ उगमदिशा पाहून तिला नावे ठेवू नयेत. सती प्रथा norway त असती तरी ती वाईटच.

आणि जे जे अन्य कुठून आलेय ते वाईटच असा पॅरेनोईड विचार करु नये.

पाश्च्यातांचे अनुकरण कितपत योग्य ?>>>

पाश्च्यात देशांमध्ये सगळ्या वाईटच गोष्टी आहेत का? आपली संस्कृती खूप चांगली आहे का?
चांगल्या वाईट प्रथा सगळी कडेच आहेत. पण आपण फक्त वाईट गोष्टीं विषयीच बोलतो नेहमीच कि पाश्च्यात संस्कृती किती वाईट आहे. इथे पायी चालणार्यांना आधी प्राधान्य दिले जाते. स्त्रियांना योग्य मान दिला जातो .कोणी कोणाच्या गोष्टींमध्ये अवाजवी लक्ष घालत नाही.अजून बर्याच चांगल्या गोष्टी आहेत.पण जर नावेच ठेवायची असतील तर मग बोलायलाच नको.

बाकी लेखावर मत देण्याआधी तुम्ही या विषयातील तज्ञ दिसताय त्यामुळे बरेच दिवस मनात असलेले थोडे शंका
निरसन करावे ही विनंती:
आधी तुमचे पहिलेच विधान पाहू

आज पाश्चात्यांच्या अनुकरणामध्ये आपण सर्व जगात मोठी असणारी आपली संस्कृती हरवत चाललो आहेत.

१. आपली संस्कृती म्हणजे कोणाची?
२. आपली संस्कृती म्हणजे फक्त हिंदू संस्कृती धरावी का? उत्तर हो असल्यास तसे का?
३. आपली संस्कृती म्हणजे भारतीय संस्कृती म्हणायचे असल्यास १९४७ मध्ये भारत नावाचा सध्याचा देश अस्तित्त्वात आला. ६० वर्षात अशी कोणती संस्कृती उभी राहिली आहे जी जगात सर्वात मोठी ठरावी?
४. आपली संस्कृती म्हणजे मराठी संस्कृती म्हणाचीये का? मग बैसाखी किंवा ओणम साजरा केल्यावरही तुम्ही असे लेख लिहिणार का?
५. आपल्या संस्कृतीला सर्वात मोठे कशाच्या निकषावर म्हणता आहात? लोकसंख्येच्या असेल तर चीनी संस्कृती सर्वात मोठी ठरेल.

या पाचावर आधी बोलु मग बाकीचे प्रश्न मांडतो

आता काय करायचे? :(

पाश्चात्यांनी चालू केलेल्या विकिपिडीयामधे पौर्वात्य भारतीयांनी लिहीलेल्या माहितीप्रमाणे पं. भीमसेन जोशी यांचा जन्म ४ फेब्रुवारीस झाला आहे, १४ फेब्रुवारीस नाही. (टाईम्स ऑफ इंडीयात पण ४ च तारीख आहे, १४ नाही).

बाकी चालूंदेत.

ऊदर को बायको बहुत आदर से बात करना पडता है. घर मे भोत सारा काम करना पडता है.
लफडा ़ किया तो जी. पी.एल. मिलता है.

सदस्यकाळ 7 months 1 week

व्हॉट ्स अ‍ ॅप वर आलेला मेसेज इथे चिकटवलेला पाहून जरा हसू आलं

ज्यांनी स्वत:च्या प्राणांच बलिदान दिलं, जे आपल्या देशाच्या, आपल्या संस्कृती च्या उन्नती साठी अहोरात्र झटताहेत, लढतायेत, मरतायत किंवा त्या सीमेवर लढणाऱ्या शूर सैनिकांचे जे थंडी, बर्फवृष्टी, ऊन, पाऊस यांची तमा न बाळगता आपले कर्तव्य बजावतात ज्यांच्यामुळे आज आपण सुरक्षितता अनुभवू शकतो, संभाजी महाराजांना पं.भीमसेनजी जोशी भगतसिंग, राजगुरू आणि सुखदेव यांना २५ - ५० रुपये गुलाबाच्या फुलावर खर्च न करता गरीब सामाजिक भान जपणार्‍यांना

सर्व हयात आणि स्वर्गवासी सजीवांना इश्वराला सर्वांनाच

इंग्रजी डे म्हणून नव्हे इश्वर निर्मित कालचक्रातील एक दिवस म्हणून इतर म्हणतात म्हणून नव्हे मला तसे करण्यास खरे तर केव्हाही आवडते म्हणून आदर व्यक्त करण्या साठी कोणतेही फूल न तोडता हे गुलाब छायाचित्र केवळ आदर व्यक्त करण्या साठी लावत आहे. आणि साजीद भाऊंनाही आदराचा प्रणाम .

कसली संस्कृती अन कसले काय? आपला देश म्हणजे एक मोठे चाक आहे ज्यावर कोणाचेच नियंत्रण नाही.

अँटी व्हॅलेंटाईन डे Singles Awareness DayRead more at: http://www.firstpost.com/world/anti-valentines-day-isnt-about-singles-sa...

Valentine हा कोण कुठला , आणि त्याच्या नावाने दिवस का साजरा करावा हा प्रश्न मलाही (आता) पडतो , म्हणून मी तो दिवस साजरा करीत नाही (पैसे ही वाचतात ना)..पण कॉलेजच्या दिवसांत असा प्रश्न पडत नसे.
अहो एखादा मुलगा एखाद्या मुलीला पसंत करत असतो (किंवा त्याउलट) , ते त्याला व्यक्त करायचे असते. आता या दिवशी तो एखादे भेटकार्ड, फूल देवून सहज ते व्यक्त करु शकतो इतकेच. मुलीलाही उगाच उठसूट अचानकपणे कोणत्याही दिवशी कुणीतरी प्रपोज करत राहिले तर वैताग येईल ना..म्हणजे या दिवशी प्रेम व्यक्त करण्याची, प्रपोज करायची सोय होते. आता अशीच काही सोय आपल्या संस्कृतीत उपलब्ध असती तर लोकांनी नसतेही लक्ष दिले वॅलेंटाईन कडे...संक्रात च्या तिळगूळ ची कल्पना काहीशी जवळ जाणारी आहे पण Exacly same नाही.
१४ जाने. ला तिळगूळाच्या निमित्ताने ओळख वाढवावी आणि १४ फेब ला प्रपोज करावे, म्हणजे दोन्ही संस्कृती साज-या करण होईल ..
बाकी गुलाब काही आपण आयात करत नाही त्यामुळे गुलाबावर खर्च केलेले पैसे आपल्याच देशातच फिरतात..सिग्नलवर गुलाब विकणारे रिलायन्स वा तत्सम मोठ्या देशी वा विदेशी कंपनीचे कर्मचारी नक्कीच नसतील , गरीब वगैरे म्हणु शकतो आपण त्यांना...

तुम्हाला इतिहासाला मास्तर कोन होते वो,मला जरा त्यांचा चरणस्पर्श करायचे आहेत्,म्हणुन विचारल....!

>>>पाश्च्यातांचे
हे काय आहे नेमकं?

पण

>>>तुम्ही कोणता दिवस तुमचा आनंद म्हणून साजरा करायचा हे तुम्हाला सांगण्याचा मला अधिकार नाही मात्र तो दिवस साजरा करताना आपल्या वागण्याचा, आपल्या कुटुंबावर, मित्रांवर, संस्कृतीवर आणि देशावरही परिणाम होत असतो हे लक्षात ठेवा. आणि ह्या सगळ्यांसाठी आपलीही काही जवाबदारी, काही कर्तव्य आहे याची जाणीव ठेवा.

ह्याबाबत विरोध नसावा कुणाचाच!

पाश्च्यातांचे अनुकरण कितपत योग्य ?

भरपुर...!

पाश्चतांचे अनुकरण कितपत योग्य ?>>>>>>>> जेवढ आवडेल तेव्हढ .

पाश्चात्य लोक आपले अनुकरण करतात का?
भारताबाहेरील मिपाकरांचा काय अनुभव या बाबतीत?

दिल्लीच्या राजकारणात जनलोकपाल बिलावरून आणि तेलंगाणावरून रक्त आटवल जात असताना; भारताच्या काही भागात काहींनी आजचा व्हेलेंटाईन डे प्रेमीयुगूलांवर टमाटे फेक करून साजरा केल्याचे वृत्त आहे. दुसरीकडे भारताच्या दुसर्‍या टोकाला प्रेमीयुगूलांनी व्हेलेंटाईन डे रक्तदान करून साजरा केल्याचे वृत्त आहे.

आम्ही या चर्चा धाग्यावर गुलाब फुल लावून समस्त सजीवसृष्टी बद्दल आदर व्यक्त केला. तुम्ही आज काय काय केले ?

मग १४ नोव्हेंबरला बालदिन नको का साजरा करायला....!

पाश्च्यातांचे अनुकरण कितपत योग्य ? भारतियांनी सर्वप्रथम अशी सरसकटीकरणाची मानसिकता सोडली पाहिजे.

त्याऐवजी, "कोणाचेही (पाश्च्यात्यांचे किंवा पौर्व्यात्यांचे किंवा अगदी भारतियांचेही) अंधानुकरण कितपत योग्य?" हा प्रश्न जास्त योग्य ठरेल.

चांगले-वाईट-पणा हा पूर्व-पश्चिम-दक्षिण-उत्तर या दिशांवर अवलंबून नसतो. त्यामुळे जे काही चांगले, हितकारक आणि पुरोगामी आहे ते स्विकारावे, ते तसे नसले तर टाळावे... कुठल्या दिशेने ते येत आहे हे महत्वाचे नाही.

आपण अनेकदा मोठ्या मोठ्या गोष्टींच्या गप्पा मारतो, जुन्या काळाचे मोठे दाखले देतो आणि स्वतः मात्र 'सिस्टीम'ला दोष देऊन बेलाशक त्याविरुद्ध वागतो असे खूपदा दिसते. त्याविरुद्ध पाश्च्यांत्यांच्या अनेक चांगल्या गोष्टी आहेत त्या भारतियांनी उचलणे अत्यंत आवश्यक आहे... हे वरील "कल्पक" यांच्या प्रतिसादातील काही उदाहरणांवरून सहज ध्यानात येईल.

पाश्च्यांत्यांची 'दुसर्‍यांच्या चांगल्या गोष्टी शास्त्रिय आणि सारासारविवेक बुद्धीवर तोलून त्या स्विकारण्याच्या' सवयीचे भारतियांनी अनुकरण करणे अत्यंत आवश्यक आहे
तसेच
भारतियांनी केवळ स्वार्थासाठी सत्य, विवेक आणि सामाजिक फायदा धाब्यावर बसवून दिशाभूल करणारे "राजकारणी" वागणे-बोलणे (जे सर्व विकसित देशांतील बहुसंख्य नागरीक त्याज्य समजतात आणि बर्‍याचदा ते कायद्याने दंडनीयही असते *) सोडणे अत्यंत आवश्यक आहे.

* : हा एक देश / समाज विकसित असण्याचा मानदंड समजला जातो.