ज्येष्ठ अभिनेते- दिग्दर्शक - श्री. विनय आपटे यांचे मुंबईत दु:खद निधन*~*~*~*

दीर्घ आजाराने ???
'छातीत दुखत असल्याच्या कारणामुळे आपटे यांना काल, शनिवारी अंधेरी येथील कोकिलाबेन अंबानी हॉस्पिटलमध्ये दाखल करण्यात आलं होतं. तेथेच त्यांचे निधन झाले. अशी बातमी आहे.
असो, गेलेल्याला शांती मिळो …

भावपुर्ण श्रद्धांजली. विनयजी त्यांच्या कार्यातून नेहमीच आपल्यात राहतील.

विनय आपटे माझे, माझ्या घरच्यांप्रमाणेच अनेक रसिकांचे 'फेवरेट' असणार यात शंका नाही. खरोखरच धक्कादायक बातमी. :(

थोर अभिनेते, दिग्दर्शक आणि महत्वाचे म्हणजे एक चांगला माणूस यांना विनम्र श्रद्धांजली.

भावपूर्ण श्रद्धांजली.

ही बातमी वाचून खूप वाईट वाटले...

बातमी.
भावपूर्ण आदरांजली.

विनयची आणि माझी ओळख झाली नव्हती, पण तो मुंबई दूरदर्शनवर काम करत असतांनापासून मला आवडत होता आणि त्याला जवळून पहायच्या काही संधी मला योगायोगाने मिळाल्या होत्या. यामुळे नेहमीच त्याच्याबद्दल एक आपुलकी वाटत आली होती. त्याच्या अशा अकाली निधनाची धक्कादायक बातमी वाचावी लागेल असे कधी वाटले नव्हते. त्याच्या आत्म्याला सद्गती प्राप्त होवो अशी प्रार्थना.

मराठीतील अतिशय गुणी अभिनेता गेला. उत्कृष्ठ शब्दफेक भूमिकेचा सखोल अभ्यास असणारा एक कलाकार. भावपूर्ण श्रध्दांजली.

आणि रंगभूमीला इतक्या वर्षांनंतर जरा बरे दिवस येत असतांनाच आनंद अभ्यंकर, अक्षय पेंडसे, सतीश तारे, सुधीर भट आणि आता विनय आपटे ह्यांची एग्झीट व्हावी ह्याला काय म्हणावे?

कालाय तस्मै नमः

संवाद-फेकी वर जबरदस्त प्रभुत्व असणारा अजून एक उत्तम कलाकार देवाकडे गेला.

बहूदा देवाला पण ह्यावेळी चांगल्या माणसांची निकड भासत असावी.

एक ताकदवान, उत्तम कलाकार गेला.. श्रद्धांजली..

दारू आणि हृदयविकार्/बी.पी. टेन्शनचे आजार. अजून किती कलाकार बळी पडणार आहेत?

माझा आवडता कलाकार गेला :(
विनम्र श्रद्धांजली.

अरे बाप रे...! :(

सॅड!
अस्थमा अ‍ॅटॅक बद्दल मागे वाचलं होतं. त्यातून बरे नि बारीक होऊन छान काम करत होते.
असो.
भावपूर्ण श्रद्धांजलि नि मृतात्म्यास सद्गती लाभो हीच प्रार्थना.

ऐला......विनय आपटे इत्क्या लौकर जातील असं वाटलं न्हौतं :( ईश्वर त्यांच्या आत्म्यास शांती देवो.

विनय आपटे ह्यांच्याशी एकदाच भेट झाली होती. तेंव्हा ते दूरदर्शनवर निर्माते होते. मी तेंव्हा बालनाट्यात काम करत होतो.
तसेच त्यावर्षी आमच्या बालनाटकाला नाट्यदर्पण पुरस्कार मिळाला होता. ते बालनाट्य दूरदर्शनवर दाखविले जावे म्हणून त्या नाटकाचा निर्माता/दिग्दर्शक आणि माझा मित्र प्रयत्नशील होता. त्या संदर्भात आम्ही दोघेही विनय आपटे ह्यांना भेटलो होतो. पण दूरदर्शन ह्या माध्यमासाठी श्री. विनय आपटे ह्यांनी जे बदल नाटकात सुचविले होते ते माझ्या मित्रास रुचले नाहीत आणि आमचं दूरदर्शनवर झळकणं बारगळलं. असो. विनय आपटे ह्यांच्या बरोबरच्या त्या अल्पभेटीत त्यांच्या नाट्यविषयक ज्ञानाने मी भारावून गेलो होतो. आज पुन्हा एकवार त्या आठवणींना उजाळा मिळाला.
विनय आपटे ह्यांच्या मृतात्म्यास शांती लाभो हीच प्रभूचरणी इच्छा.

भूमिकेतून इतकी जवळीक साधली ह्या माणसाने, अरे तुरे च करायचो आम्ही त्याला सगळे (इतक्या मोठ्या वयाचा असून सुद्धा..) वाईट्ट वाटलं! तो खर्जातला आवाज, आवाजातली जरब.. निळूभाऊंनंतर कुणाच्या आवाजातला दम आवडला असेल तर विनयच्या.. एकदम बिनधास्त तितकाच दिलदार पण तरीही रोख आणि ठोक माणूस! अस्सल मराठी रांगडा म्हणता येईल असा.. बोलण्यातला पॉज तर लाजवाब, कान खेचून घेईल ऐकणार्‍याचे अशी लकब आणि नजर समोरच्यावर वाघासारखी रोखलेली.. नावातच फक्त काय तो विनय! :)

अवधूत गुप्तेच्या 'खुपते तिथे गुप्ते' मधून विनय बद्दल बरंच काही कळतं..
विनय आपटे, खुपते तिथे गुप्ते
विनय आपटेला विनम्र श्रद्धांजली, खूप काही दिलसं तु आम्हाला!

भावपुर्ण श्रद्धांजली...

म.टा. वृत्त

जेष्ठ नाट्यदिग्दर्शक , निर्माते , अभिनेते आणि मराठी रंगभूमीवरील अष्टपैलू व्यक्तिमत्त्व विनय आपटे (६२) यांचे शनिवारी रात्री अस्थमाच्या अॅटॅकने निधन झाले. त्यांच्या पार्थिवावर आज, रविवारी ओशिवरा स्मशानभूमीत अंत्यसंस्कार करण्यात येणार आहेत.

अंधेरी येथील कोकिलाबेन अंबानी हॉस्पिटलमध्ये उपचारादरम्यान आपटे यांची प्राणज्योत मालवली. त्यांच्या पश्चात पत्नी आणि दोन मुले असा परिवार आहे. आपटे यांच्या निधनाने मराठी-हिंदी सिनेसृष्टीसह रसिकांनाही मोठा हादरा बसला आहे.

रक्तदाबाचा त्रास बळावला

विनय आपटे यांना अडीच महिन्यांपूर्वी सिमला येथे सुरू असलेल्या शुटिंग दरम्यान अस्वस्थ वाटू लागल्यानंतर तब्बल महिनाभर कोकिलाबेन हॉस्पिटलातील आयसीयूत ते उपचार घेत होते. श्वसनाचा त्रास बळावल्याने त्यांना पुन्हा गेल्या महिन्यात हॉस्पिटलात दाखल करण्यात आले होते. १५ दिवसांपूर्वी त्यांना घरी सोडण्यात आले होते. घरीच विश्रांती घेत असताना शुक्रवारी दुपारी रक्तदाबाचा त्रास जाणवू लागला. त्यामुळे ते लगेचच हॉस्पिटलमध्ये दाखल झाले. पण शनिवारी सकाळी ते कोमात गेले. त्यानंतर मल्टिपल ऑर्गन फेल्यूअर झाल्याने त्यांची प्राणज्योत मालवली.

आपटे यांचा थोरला मुलगा अमेरिकेतील ' व्हॉइस ऑफ अमेरिका ' चॅनेलमध्ये पत्रकार आहे. वडिलांची प्रकृती अस्वस्थ असल्यामुळे १५ दिवसांपूर्वी तो पत्नीसह मुंबईत आला होता. शुक्रवारी रात्रीच तो पुन्हा अमेरिकेला रवाना झाला होता.

दुपारी १२.३० वाजता अंत्यसंस्कार

दरम्यान , विनय आपटे यांचे पार्थिव आज , रविवारी सकाळी ११ वाजल्यापासून अंधेरीच्या शास्त्रीनगर येथील त्यांच्या राहत्या घरी अंत्यदर्शनासाठी ठेवले जाणार आहे. त्यानंतर दुपारी १२.३० वाजता ओशिवरा येथील स्मशानभूमीत त्यांच्यावर अंत्यसंस्कार केले जातील , असे आपटे कुटुंबीयांच्या निकटवर्तींयांकडून सांगण्यात आले.

भावपुर्ण श्रद्धांजली.

बातमी वाचल्यावर वाईट वाटल.
एक चांगला कलाकार काळाच्या पडद्याआड गेला
त्यांना सद्गती मिळो ही इश्र्वर चरणी प्रार्थना

श्रद्धांजली,ईश्वर म्रुतात्म्यास सद्गती देवो.

:(

वाईट बातमी.
विनय आपटेंचे एकूण कलंदर व्यक्तिमत्व पाहाता त्यांचे निधन 'अकाली' झाले असे म्हणवत नाही. अशा गुणी कलाकारांपैकी बर्‍याच लोकांना व्यसनांनी गाठलेले असते. एकून कलेची झिंग कमी पडते म्हणून म्हणा किंवा जीवनाचा प्रखर झोत सहन होत नाही म्हणून म्हणा, अशा लोकांना जिवंत राहाण्यासाठी अशी एखादी नशा गरजेची वाटत असते. निव्वळ कलाक्षेत्रातीलच नव्हे तर इतरही क्षेत्रातील गुणी माणसे आपले आयुष्य असे बेभानपणे उधळून देताना दिसतात. इतिहास हेच सांगतो, आणि त्यात फारसा बदल होण्याचीही शक्यता नाही. त्यामुळे 'जिंदगी बडी होनी चाहिये, लंबी नही' हे आठवून उगी राहावे.
तरीही वाईट बातमी.
जाताजाता: 'त्यांच्या आत्म्याला ईश्वर चिरशांती देवो' हे वाक्य प्रतिकात्मक वगैरे असले तरी आता शक्यतो टाळावे असे वाटते. 'श्रद्धांजली', अगदीच गहिवरुन आले असेल तर 'भावपूर्ण श्रद्धांजली' हे पुरेसे आहे. कुणाच्या मृत्यूविषयी शोक व्यक्त करताना आत्मा आणि ईश्वर या काल्पनिक गोष्टींचा आधार आता टाळावा असे मला वाटते. एरवी दाभोलकरांच्या निधनाच्या बातमीतही 'आर.आय.पी.' वगैरे वाचले आहे.

विनय आपटे यांना श्रद्धांजली !

श्रद्धांजलीच्या धाग्यावर परत अंधश्रद्धेवर चर्चा! वाईट वाटलं.