गरवेलाच छप्पर
चिखलाच खापर,
शमवावी तहान त्यांनी
पिऊन मळकं पाणी ......
व्यापारी दुनिया
व्यावहारिक माया,
न्याहळतोय जरी तो
उघडेना आपली वाणी ......
जगण्याला काय
मोल हिथं नाय,
सावकाराचा भार
डोई व्याजाची गोणी ......
जन्माचा वैताग
भाकरीचा चंद्र माग,
देतील प्रसाद कधीतरी
अन हिरावतील कंठमणी ......
लढेन म्हणतोय विरुध्द
पण साथ नाही शुद्ध,
रस्ता दाखवतील सगळेच
पण संगे चालेना कोणी ......
श्री. साजीद यासीन पठाण
प्रतिक्रिया
12 Nov 2013 - 10:57 am | psajid
अरेरे...! अर्थहीन कविता लिह्ली वाटत मी..... !
12 Nov 2013 - 1:57 pm | अनुप ढेरे
सजिद साहेब, कविता अर्थहीन नाही वाटली. पण तुमच्या इतर काही कवितांइतकी नाही आवडली.