आठ तासांच्या चक्रात बाबा
माझं बालपण हरवून गेलं,
अकाली प्रौढत्व दिलंत तुम्ही
माझं खेळायचं राहून गेलं ........!
दारिद्र्याचा बुजवण्या खड्डा
लहान भावाला संगती न्हेलं,
हुशारीची मलाच वाटली लाज
दप्तर फेकून हाती खोरं घेतलं ........!
यशाची माझ्या देऊन हमी
मास्तरांनी हुशारीचं दिलं दाखलं,
म्हणालात तुम्ही त्यानला
“ पोटी माझ्या चार मुलं - ...........
इतक्या मोठ्या दुनियेत मास्तर
माझं पोरगच का अडाणी ऐकलं,
शिकूनच का भाकरी मिळते
किती अडाणी उपाशी मेलं ........?
माझं हातपाय थकलं आता
करील बहिणींच हात पिवळं,
पर अपराधाची बोच मनी
कुस्करलं दारिद्र्यानं बालपण कोवळं ........!”
(मीच म्हणालो, त्यावेळी बाबा कि ........)
“ वाईट नका वाटून घेऊ
बाबा मला शिक्षण बास झालं,
बुद्धीमाधल्या खड्ड्यापेक्षा
पोटामधला डबरा खोलं........!!
पोटामधला डबरा खोलं ........!!
श्री. साजीद यासीन पठाण
प्रतिक्रिया
13 Aug 2013 - 4:50 pm | बहुगुणी
साजीद भाई,
छान लिहिलंत बालकामगाराचं मनोगत, डोळ्यासमोर उभा राहिला तो मुलगा. ("बुद्धीमधल्या खड्ड्यापेक्षा, पोटामधला डबरा खोल.." हेही आवडलं.)
13 Aug 2013 - 4:55 pm | पैसा
मिपावर स्वागत. अशाच आशयपूर्ण कविता येऊ द्यात!
13 Aug 2013 - 4:55 pm | अत्रुप्त आत्मा
@बुद्धीमाधल्या खड्ड्यापेक्षा
पोटामधला डबरा खोलं........!!
पोटामधला डबरा खोलं ........!! >>>>>>>>>>
13 Aug 2013 - 5:12 pm | जेपी
छान लिहीलय
13 Aug 2013 - 5:15 pm | भावना कल्लोळ
खूप सुंदर आणि आशय पूर्ण…
13 Aug 2013 - 10:26 pm | कवितानागेश
आशयपूर्ण
13 Aug 2013 - 5:17 pm | गोप्या खंडेतोड
खास
13 Aug 2013 - 5:34 pm | मुक्त विहारि
छान
13 Aug 2013 - 9:51 pm | सुधीर
कविता आवडली.
14 Aug 2013 - 4:40 am | स्पंदना
व्वाह! साजीद भाई!
16 Aug 2013 - 5:04 pm | निरन्जन वहालेकर
वाईट नका वाटून घेऊ
बाबा मला शिक्षण बास झालं,
"बुद्धीमाधल्या खड्ड्यापेक्षा
पोटामधला डबरा खोलं"........!!
पोटामधला डबरा खोलं ........!!"
व्वा! क्या बात है ! ! विदारक सत्य ! ! ! आवडली.
18 Aug 2013 - 9:50 pm | स्वाती३५११
कविता आवडली
वाचुन दृष्य डोळ्यासमोर आले.
18 Aug 2013 - 10:03 pm | चिगो
कविता भिडली मनाला..
11 Nov 2013 - 12:15 pm | psajid
धन्यवाद !
11 Nov 2013 - 12:15 pm | psajid
धन्यवाद !
11 Nov 2013 - 12:16 pm | psajid
धन्यवाद !