मन नाही नाही म्हणते पण
हृदयात आस घन कळवळते
दरवळ मृगजळ मेघांचा
अंतरी आर्त अन वादळते
गोकुळ स्वप्नांची सलगी
जिरवून कथानक वावरते
तापल्या काहिली तृप्त
माळभर धुंधुर माया हिरवळते
ओठात शब्द स्वर कंठातिल
भावना लास्यमय ओघवते
आशेस किनारा वाळूचा
दर्पणी कामना विरघळते
....................अज्ञात
प्रतिक्रिया
2 May 2013 - 8:22 pm | यशोधरा
वादळ ते असे आहे का?
पहिले कडवे खूप आवडले.
3 May 2013 - 9:11 am | अज्ञातकुल
"वादळ ते" नाही. ते "वादळते" असेच आहे. आदळते, ओघळते, भांभावते तसे वादळते
7 May 2013 - 10:14 am | यशोधरा
वळ मृगजळ मेघांचा
अंतरी आर्त अन वादळते
अंतरी काय वादळते? हे समजले नाही..
7 May 2013 - 10:23 am | अज्ञातकुल
मृगजळ मेघांचा दरवळ आला की अंतरात " आर्त " वादळते.
2 May 2013 - 8:26 pm | आतिवास
प्रत्येक कवितेत एखादा तरी अवघड, वापरात नसणारा शब्द तुम्ही वापरता.
ते सहज होत असेल, तर ठीक आहे - पण तसा स्वतःला आग्रह करु नका ही कळकळीची विनंती.
तुमच्या कविता मला आवडतात पण दरवेळी एखाद्या तरी शब्दाला ठेचकळल्यासारखे वाटते.
अर्थात हा माझा प्रश्न आहे, तुमचा नाही याचीही जाणीव आहेच :-)
5 May 2013 - 10:04 am | अज्ञातकुल
कुठला शब्द अवघड वाटला आज ?. शब्द सहज येतात त्यासाठी माझा कुठलाही अट्टाहास नसतो. असो प्रांजळ प्रतिसादाबद्दल मनःपूर्वक आभार :)
2 May 2013 - 11:12 pm | अत्रुप्त आत्मा
:)
5 May 2013 - 10:08 am | अज्ञातकुल
:)
2 May 2013 - 11:31 pm | मिसळलेला काव्यप्रेमी
__/\__!!
5 May 2013 - 10:09 am | अज्ञातकुल
तुमचा प्रतिसाद नसला की चुकल्या चुकल्यासारखे वाटते :)
3 May 2013 - 7:00 am | साऊ
छान लिहीता तुम्ही.
5 May 2013 - 10:06 am | अज्ञातकुल
मनःपूर्वक आभार :)
3 May 2013 - 8:26 am | इन्दुसुता
कविता आवडली.
5 May 2013 - 10:07 am | अज्ञातकुल
धन्यवाद :)
7 May 2013 - 8:49 am | स्पंदना
तुमचा धन्यवाद मी दुरुस्त केला आणि कविताही वाचली.