जगणे सुरात आले

प्रेषक, गंगाधर मुटे, Thu, 19/04/2012 - 11:08

जगणे सुरात आले

वृत्तात चालण्याचे शब्दास ज्ञान झाले
कविते तुझ्या लयीने जगणे सुरात आले

आनंद भोगताना परमार्थ साध्य व्हावा
“असलेच कार्य कर तू” दोहे मला म्हणाले

चिरडू नये कधीही हकनाक जीवजंतू
हे सार वर्तनाचे, भजनातुनी मिळाले

दुखवू नये कधीही मनभावना कुणाच्या
सुविचार मर्म हेची, ओव्यातुनी निघाले

पद्यात काय गोडी, शब्दात काय सांगू
ठाऊक फक्त त्यांना, गाण्यात जे बुडाले

मतला, रदीफ, यमके, बहरास योजताना
झालेत ते यशस्वी, उत्तुंग जे उडाले

का पाठलाग त्यांचा, निष्कारणे करावा?
एकेकटेच मिसरे, निसटून जे पळाले

कसला ‘अभय’ कवी तू? रचतोस हे मनोरे
जे ना तुला कळाले! जे ना मला कळाले!

- गंगाधर मुटे
---------------------------------

लेखनविषय::

गझल

प्रतिक्रिया

गंगाधर मुटे साहेब, कविता सुंदर आहे.

निश - Thu, 19/04/2012 - 12:22

गंगाधर मुटे साहेब, कविता सुंदर आहे.

मतला, रदीफ, यमके, बहरास योजताना
झालेत ते यशस्वी, उत्तुंग जे उडाले

हे तुमचे कडवे एकदम बहारदार झाल आहे.

निश

सुरेख मुटे साहेब. सुरेख. गझल

aparna akshay - Thu, 19/04/2012 - 14:22

सुरेख मुटे साहेब. सुरेख.
गझल आवडली.

शब्दांना नसते दु:ख, शब्दांना सुखही नसते ।
ते वाहतात जे ओझे, ते तुमचे माझे असते ॥

मस्त गझल!! तालात म्हणताना

बॅटमॅन - Thu, 19/04/2012 - 15:33

मस्त गझल!! तालात म्हणताना मस्त वाटते

दुष्टारी पुरता भारी | अवतरला गॉथम शहरी|
वाल्गुदेय हा निर्धारी| विदूषका जाण पां||

जान कुर्बान अर्थात जीव ओवाळून टाकावा

चौकटराजा - Thu, 19/04/2012 - 15:53

जान कुर्बान अर्थात जीव ओवाळून टाकावा अशी गझल !
मुटे साहेब, हम्म ! एकूण आपले धोरण असे दिसते की पौणिमेचे चांदणे जमेल जेंव्हा हाती, तेंव्हाच यायचे ! क्या बात है !

आनंद भोगताना परमार्थ साध्य व्हावा
“असलेच कार्य कर तू” दोहे मला म्हणाले
हा कबीराचा संदेशच वाटतो, व्वा क्लास !
कधीतरी यायला हरकत नाही पण अशाच जमलेल्या कविता घेउन या !
धन्यवाद !
पुकशु

------------------------------स्वाक्षरी आरंभ------------------------------------------------
आपल्याला अक्कल नाही हे समजणे हे आपल्याला अक्कल येउ लागल्याचे पहिले लक्षण आहे ! !

चौरासाहेब,
तसे वगैरे काही नाही हो. गेल्या सहा महिन्यात पुरेसा वेळ मिळणेच दुर्मिळ झाले आहे. ही माझी खंत आहे. (आंतरजालावर दर्जेदार लेखन उपलब्ध असूनही, वाचायला मिळत नाही, ही दुसरी खंत)
एक वर्षा आधी माझ्याकडे एवढी उसंत होती की नऊ महिन्यात मी ८० पेक्षा जास्त कविता रचल्या. (लिहिल्या किंवा पाडल्या असेही म्हणता येईल) आणि दहाव्या महिन्यात "रानमेवा" हा काव्यसंग्रह प्रकाशित करून मोकळा झालो.

असो. काळाचा महिमा दुसरे काय. लवकरच मी आंतरजालावर पूर्वीसारखा मुक्तसंचार करू शकेल, अशी आशा आहे.

बळीराजा डॉट कॉम
पिढ्यापिढ्याच्या अबोलतेला बोलते करण्याचा एक इवलासा प्रयत्न.

अप्रतिम! सर्वांग सुंदर! एकेक

यकु - Thu, 19/04/2012 - 16:05

अप्रतिम!
सर्वांग सुंदर! एकेक कडवे गोड झाले आहे

-------------------------------------------------------
अम्बर बरसै धरती भीजे, यहु जानैं सब कोई।
धरती बरसे अम्बर भीजे, बूझे बिरला कोई।

+१

मूकवाचक - Thu, 19/04/2012 - 16:18

+१

Have faith in God and in yourself; that will cure all. Hope for the best, expect the best, toil for the best and everything will come right for you in the end. - Sri Ramana Maharshi