आमचीही प्रेरणा http://www.misalpav.com/node/14884
पाकिट , पर्स , चेना ढापीत चाललो मी,
लवते न तोच पाते, कापीत चाललो मी,
वाणी विमा विजेची , सारी बिले मिळाली,
हिरवा वसंत कोठे? शोधीत चाललो मी.
पाकीट का म्हणावे , "हैदोस" भावनांचा,
पत्रे पुराणी पिवळी , वाचीत चाललो मी,
बघतो अनंत कप्पे , ना नोट , नाही नाणे,
घाला चुलीत ह्याला, काशीत चाललो मी,
पेठांत या पुण्याच्या ना राहिली खुमारी,
औंधात हात मारु, घोकीत चाललो मी.
प्रतिक्रिया
13 Oct 2010 - 8:08 pm | गणेशा
आवडले .. वाचुन हसु आले
13 Oct 2010 - 8:08 pm | श्रावण मोडक
छान विडंबन. हैदोस शब्दाला टाकलेलं अवतरण पाहून काय झालं ते इथं सांगत नाही.
13 Oct 2010 - 10:29 pm | चतुरंग
हा 'इब्लिस'पणा म्हणायचा की काय? ;)
रंगीन सडक
13 Oct 2010 - 10:59 pm | धमाल मुलगा
आलं लक्षात बरं बेळगावकर. ;)
13 Oct 2010 - 11:51 pm | अडगळ
या शब्दाला पण अवतरणात टाकावं का असा विचार चमकून गेला.
मेडिकल स्टोअरवाला (अडगळ)
13 Oct 2010 - 8:10 pm | प्रभो
लै भारी...वेगळ्या पठाडीतलं..
13 Oct 2010 - 8:16 pm | मेघवेडा
क ड क!
13 Oct 2010 - 8:20 pm | गणेशा
एक लिहु का मी पण परत ?
13 Oct 2010 - 8:27 pm | ३_१४ विक्षिप्त अदिती
होऊन जाऊ दे की!
श्रामो: =)) =))
विडंबन झकासच!
13 Oct 2010 - 8:39 pm | पैसा
एका उपेक्षित पाकिटमाराच्या भावना काय नेमक्या व्यक्त केल्यात! कोणाच्या खिशावर हात साफ केला आणि क्रेडिट कार्डाऐवजी नोटा मिळाल्या असं वाटलं.
13 Oct 2010 - 8:56 pm | पाषाणभेद
एकदम झकास पयल्या धारंचा माल हाय ह्यो
13 Oct 2010 - 10:26 pm | चतुरंग
(हिरवा वसंतप्रेमी)रंगा ;)
13 Oct 2010 - 10:35 pm | पुष्करिणी
मस्तच!
13 Oct 2010 - 11:41 pm | राजेश घासकडवी
मजा आला. :) एकदम दर्जेदार विडंबन. अजून येऊ द्यात.
14 Oct 2010 - 5:56 am | शुचि
मस्त!!
14 Oct 2010 - 12:18 pm | नावातकायआहे
>>पेठांत या पुण्याच्या ना राहिली खुमारी
>>औंधात हात मारु, घोकीत चाललो मी.
लै खास!
14 Oct 2010 - 2:24 pm | चेतन
दर्जेदार विडंबन