सावित्रिच्या लेकी ....

मानवी नातेसंबंध फार क्लिष्ट असतात. काही जणांना घरटं बनवायची हौस असते काहींना आभाळात भरारी घ्यायची.
~~~~~~~~~~~~~~~~~~~~~~~~~~~~~~~~~~~~~~~~~~~~~
Music and poetry only reach the ears of those in anguish.

येथे सुरु आहे.

मुलींप्रमाणेच मुलांनाही स्वयंपाकाची जबाबदारी घेता यायला हवी. चहा/कॉफी करणे, कुकर लावता येणे, कणीक मळून ठेवणे, एखाद दोन सोप्या का होईना भाज्या करता येणे, आमटी करणे, गेला बाजार स्वयंपाकात मदत करणे ह्या गोष्टींचे रीतसर शिक्षण घरातच द्यायला हवे. मुलगा आहेस कसाही उंडारलास तरी रात्री घरी गिळायला मिळणारच हे उपयोगाचे नाही.
दोघांच्या भागीदारीत संसार व्यवस्थित फुलतो!

(भागीदार)चतुरंग

अगदी बरोबर आहे... मुलं सुध्दा उपवर झाले कि त्यांना पण सगळे शिकवायला पाहिजे.... त्यांना पण सांगायला हवे..."आज पासून पोळ्या तु कर संध्याकाळच्या..."... वगैरे...वगैरे...

पण मुलांना जरि सगळे येत असले तरि ते कळु देत नाही कि त्यांना स्वंपाक येतो ते.... आणि त्यांच्या मातांना तर अजिबात आवडत नाही मुलाने काम केलेले...(कारण मुलाने आईला कधि मदत केलेली नसते ना!)

तस मलाही स्वयंपाकघरात पराक्रम गाजवायला आवडतं.....

- उपवर पिंगु

पण तुम्हाला त्यात काहि चुकतय अस का वाटतं ?? ज्या प्रमाणे तुमचं शिक्षण, करिअर महत्वाचं त्याच प्रमाणे स्वयंपाक सुद्धा महत्वाचा !! चांगला स्वयंपाक करता येणं हे फार आवश्यक आणि महत्वाचं स्किल आहे हे कसं नाकारता येईल ?? अहो, माणसाचं आरोग्य, कुटुंबाचं अर्थशास्त्र आणि नाते संबंधातली दृढता या एका स्किलसेट वर लिलया जपता येते. हां, आता मुलांना स्वयंपाक शिकायला का आग्रह होत नाहि हा विषय वेगळा...

(तात्यांचं संगीत ज्ञान आणि गणपाच्या पाककृतींपुढे नतमस्तक) अर्धवटराव
-रेडि टु थिंक

>>अभियांत्रिका चा अभ्यास करताना जी आई कपबशी ला देखील हात लाऊ देत नवती तिने अचानक मला कामाला लावलं होत ... तुला हे आलं पाहिजे , तु हे केल पाहिजे, आता ह्याची सवय करून घे आता त्याची सवय करून घे का? तर मला लग्न करायचं होत...>>
इथेच सगळ गणित चुकतं. बर्‍याच घरात समानता म्हणजे मुलगा-मुलगी दोघांनाही काही काहीही काम न सांगणे असा सोपा अर्थ काढलेला असतो. मुलगा/मुलगी दोघांनाही आई-वडिलांनी लहानपणापासुन हळू हळू सगळ्या कामांची सवय लावुन स्वावलंबी बनवले तर बरेच प्रश्न सुटतात. पण सुरवातीला अपत्याच्या पुस्तकी अभ्यासाला अवाजवी महत्व दिले जाते. एक स्वतंत्र व्यक्ती म्हणून जगण्यासाठी आवश्यक असलेल्या इतर गोष्टी शिकवल्याच जात नाहित. जेवणाचे हाल होणार नाहित इतपत स्वयंपाक, कपडे धुणे/इस्त्री करणे, थोडे शिवणकाम, भांडी घासणे व इतर घराची स्वच्छता, थोडेफार आर्थिक नियोजन आई-वडिलांनी वेळीच आपल्या अपत्यास शिकवावे आणि याचा लग्नाशी संबंध लावू नये.

बर्याच ठिकाणी चित्र काहीश्या प्रमाणात बदलाल असाल तरी अजूनही अगदी आधुनिक आणि सुशिक्षित कुटुंबातून मुलीना तु मुलगी आहेस म्हणून हे करायचाच आहे हे ऐकवलं जात ...

ज्या प्रमाणात पुरूष एकहाती घर चालवतात त्याप्रमाणात बायका सर्व स्वयंपाक करतात.
ज्या प्रमाणात बायका नोकरी करतात त्याच प्रमाणात पुरूष घरकमात मदत करतात.
तुम्हाला योग्य लोक भेटले नाहीत एवढेच...