दिल दोस्ती डिकन्स्ट्रक्शन

एक प्रश्न
मिपावर जो टंक सर्वसंमत आहे त्यापेक्षा तुम्ही वेगळया रंगाचा टंक (फॉन्ट ) का वापरला आहे ? अभिव्यक्ती स्वातंत्र्य का ?

बाकी 'दिल दोस्ती दूनियादारी' मालिकेवरील आक्षेप न पटण्यासारखे. या मालिकेच्या पहिल्या सत्रात तीन मुलगे आणि तीन मुली एकत्र राहतात असे दाखवले, ते निव्वळ परिस्थितीतून उद्भवलेल्या गरजेतून. आणि ते चांगल्या मित्र मैत्रिणीप्रमाणेच राहतात ..लिव्ह इन रिलेशनशिपप्रमाणे यातील कोणत्याही मुलाचा , कोणत्याही मुलीशी शारिरिक जवळीक नसते. फार काय माझ्या आठवणीप्रमाणे या मालिकेत कुठलीही अ‍ॅडल्ट कॉमेडी सुद्दा नव्हती.
मालिकेचे सध्याचे सत्र मी बघत नाहीये, त्यामुळे त्यावर आक्षेप असतील तर त्याबद्दल मी काही बोलू शकत नाही, पण वरील लेखात नोंदवलेले आक्षेप हे पहिल्या सत्रावरच वाटत आहेत.
बाकी दुनियादारी हा चित्रपट सुहास शिरवळकर यांच्या कादंबरीवर आधारित आहे. ही कादंबरी १९७२ च्या आसपासची असावी

शक्यतो मी कुठल्याच मालिका पाहत नाही आणि पाहिल्या तर त्या कॉमेडी मालिका समजुनच पाहते. याच काय कुठल्याही मालिका स्फोटकच आहेत. सासु, सुन, शेजारणी , आज्जे सासु यांची कट कारस्थानं हे सगळं ही स्फोटकच पण कॉमेडी मालिका समजुन पाहिली की इतके प्रश्न पडत नाहीत.

मालिकाच त्या, येवड काय शिरियस घ्याच त्यला? टीवी बगुन कूट समाज घडतो का? आणि जीत टीवी चा जास्त प्रभाव आहे तीत ह्या भानगडी होणारच .

एकीने नवर्‍याला किंवा नवर्‍याने तिला सोडले आहे.

तुम्ही नक्की ही सिरीयल बघितलीये ना? कारण नवर्‍याचे विवाहबाह्य संबंध असल्याचे कळून मानसीकदृष्ट्या मोडकळीस आलेल्या मुलीला आधार देणारे ५ दोस्त हीच या मालिकेची थीम आहे. हे सोडलं बिडलं कुठून काढलंत? जाऊ द्या, हा लेख इतक्या पुर्वग्रहांनी भरलेला आहे की मुद्द्यांचा प्रतिवाद करण्याचीदेखील इच्छा उरली नाही.

अच्छा. संस्कारपटू.

चालूद्या...

आशु जोग,

तुमचं म्हणणं पटलं. इथे इंग्लंडमध्ये कुटुंबव्यवस्था मोडकळीस आलेली आहे. त्याचं प्रमुख कारण म्हणजे १९६० च्या दशकात सुरू झालेली लैंगिक क्रांती. या क्रांतीमुळे किती कुटुंबं उद्ध्वस्त झाली याची गणती अशक्य आहे. हिचा पाया तथाकथित स्त्रीमुक्तीमध्य आहे. आज कुटुंबव्यवस्था नष्ट वा सीमित झाल्यामुळे नवयुवकांचा कल एकट्याने राहण्याकडे वाढतो आहे. असे युवक उचित मातापिता बनू शकंत नाहीत. कारण त्यांच्यासमोर आई व बापाचं उदाहरण नसतं. अशी मुलं गुन्हेगारीकडे सहजपणे ओढली जातात. सामाजिक स्थैर्यासाठी कुटुंब सबळ रहाणं अत्यावश्यक आहे.

तर, कुटुंब नाकारण्याचा प्रकार भारतातही चालू द्यावा का? थेट लैंगिक स्वैराचार (म्हणजे लिव्ह इन) उदात्त रंगात रंगवला जात आहे. जेव्हा आपण कुटुंबव्यवस्थेस नाकारतो तेव्हा भावी पिढी गुन्हेगारीकडे ढकलंत असतो. तुम्ही म्हणता तशा या मालिका अनाठायी उदात्तीकरणास उत्तेजन देतात. यावर एक उपाय म्हणजे लोकजागृती करणे. दुसरा उपाय म्हणजे कुटुंबव्यवस्थेचं महत्त्व यथोचितपणे अधिरेखीत होईल अशा मालिका बनवणे.

आ.न.,
-गा.पै.

ते मराठी दिग्दर्शक कोण?

त्याच मालिकेमधून मुलांना कठीण परिस्थितीत सुद्धा पाय रोवून संकटांवर मत करून उभं राहण्याचा संस्कार मिळू शकतो. अर्थात तो अर्थ त्याला/तिला तिच्या पालकांनी समजावून दिला पाहिजे. फक्त टी व्ही पाहून मुलांवर संस्कार होत नाही. टी व्ही मधल्या गोष्टींवर घरात/मित्रांमध्ये काय चर्चा होते त्याचा आपल्या जीवनाशी संपर्क कसा येतो या वरून संस्कार होत असतो. पालकांनी योग्य मार्गदर्शन केल्यास त्या मालिकेतून तरी चांगल्या आणि घेण्यासारख्या खूप गोष्टी सापडतील. तुम्ही सकारात्मक विचार करता कि नकारात्मक या वर सगळं अवलंबून आहे.

बाकी दुनियादारी सिनेमाबद्दल मला काहीच म्हणायचं नाही. सिनेमा बघायचा कि नाही आणि कोणता बघायचा हे मार्गदर्शन पालक करूच शकतात आणि वेळप्रसंगी विशिष्ट गोष्टींवर बंदी सुद्धा घालू शकतात. म्हणून एखाद्या सिनेमाच्या (किंवा बऱ्याचशा सिनेमांच्या) आशयावर आक्षेप असेल तर त्या सिनेमावर बंदी आणावी, पण म्हणून इतरांना नावं ठेवणं योग्य नाही. त्यांना आवडतं ते त्यांनी बनवलं, तुम्हाला बघायचं तर बघा नाही तर सोडून द्या.

आणि सोडून देणं जमत नसेल तर तुम्हाला आवडतं तसं बनवण्याची जबाबदारी घ्या (अर्थात आर्थिक, साहित्यिक, आणि तांत्रिक सर्व जबाबदारी घ्यावी लागेल. ). वांझोटी टीका करून काहीही फायदा नाही.

प्रसन्न देशपांडेंचं मार्क्सवादावरचं व्याख्यान ऐकल्यासारखं वाटलं...

छान आहे...

सगळ्या विद्यापीठांमधे humanities किंवा मानवता वगैरे विद्याशाखांचा उदय झालाय.

कधी पासून? १९८०? १९६०? १९४०?

सिरीयल पटत असेल

म्हणजे नेमकं काय?

दिल दोस्ती दुनियादारी मधे समाजाच्या मान्यतांना असेच धक्के दिले आहेत. एकाच फ्लॅटमधे कॉलेजच्या वयाची ३ मुले आणि ३ मुली एकत्रपणे राहत आहेत. एका मुलीच्या आईबापाचे एकमेकांशी पटत नाही. तिच्या वाढदिवसालाही ते येत नाहीत. मग रूम मेट्सच तिचा वाढदिवस साजर करतात. म्हणजेच जन्मदाते आईबाप शत्रू पण बरोबर राहणारे रूम मेट्स हेच खरे आधार. एकीने नवर्‍याला किंवा नवर्‍याने तिला सोडले आहे. आता ती या मुलामुलींच्या खोलीवर रहायला आली आहे. तिसर्‍या मुलीच्याही आईबापांच्याबद्दल प्रचंड तक्रारी आहेत. मुलग्यांचेही घरच्यांशी फारसे पटत नाही. इ. इ.


तुम्हाला असे म्हणायचे आहे का, कि ही सिचुएशन शक्यच नाही आहे?

एकंदरीत लेख वाचून माझ्या मते तुम्हाला आयुष्यात जिवाला जीव देणारे मित्र मैत्रिणी मिळाले नसावेत अशी दाट शंका येते

एक प्रश्न,

तुमचा प्रॉब्लेम काय आहे? ही (किंवा अशा) मालिका मराठीत आहे/आहेत म्हणून का?

म्हणेज सेम आशयाची सीरिअल इंग्रजी/हिंदी मध्ये असती तरी पण आक्षेप असला असता का? मग आपल्याकडची तरुण मुले कोणत्या इंग्रजी मालिका बघतात याची तुम्हाला कल्पना आहे का?

कौटुंबिक मुल्य म्हणजे काय तर अडचणीत सापडलेल्या लोकाना मदत करा. एकमेकांना समजून घ्या. परस्पर नात्यांचा आदर करा. आताच्या जमान्यात पण तुम्ही केवळ आई वडिल भाऊ बहीण याच नात्यांना कुटुंब मानत असाल तर बोलणे खुंटले

फारच गंभीर प्रश्न म्हणायचा की हा!! खरंतर झी वाल्यांनी "सांस भी कभी बहु थी" मराठीत डब करुन दाखवायला हवं, म्हणजे मराठी मनावर कुटुंब व्यवस्थेचे संस्कार घडतील आणि त्यामागोमाग एक प्रवचनांचा अर्ध्या तासाचा कार्यक्रम ठेवायला हवा, म्हणजे आध्यात्म ही शिकायला मिळेल. नै त्याचं काये, मालिका बघून समाज घडत असेल तर त्यांनी हे करायलाच पाहिजे.

छान, उत्तम सुविचारी लेख!

सूडराव आणि डांगे भौंशी सहमत!

सौरा,

तुम्ही नक्की ही सिरीयल बघितलीये ना? कारण नवर्‍याचे विवाहबाह्य संबंध असल्याचे कळून मानसीकदृष्ट्या मोडकळीस आलेल्या मुलीला आधार देणारे ५ दोस्त हीच या मालिकेची थीम आहे. हे सोडलं बिडलं कुठून काढलंत? जाऊ द्या, हा लेख इतक्या पुर्वग्रहांनी भरलेला आहे की मुद्द्यांचा प्रतिवाद करण्याचीदेखील इच्छा उरली नाही.

कौटुंबिक मूल्यांची घसरण व हानी दाखवणाऱ्या कार्यक्रमास इतका टीआरपी मिळावा का असा प्रश्न आहे. त्यातनंच लेखकाचा पूर्वग्रह उत्पन्न झाला आहे. हा पूर्वग्रह एक प्रकारची बचाव यंत्रणाच (= डिफेन्स मेक्यानिझम) आहे म्हणा ना.

आ.न.,
-गा.पै.

कुटुंब व्यवस्था हे जर या समाजाचे बलस्थान असेल तर त्यावर आघात करा म्हणजे समाज आतून कमकुवत होइल. असे सोपे सरळ सूत्र आहे.

हे निरीक्षण १००% बरोबर आहे !

कोणी कोणाची किव करत असेल तर त्याला भावना दुखावणे म्हणतात हा एक नवीन अर्थ आज कळला! ;-)

ओह आय सी.

दिल दोस्ती मालिका लिव्ह इन वर आहे हे म्हणणारे धन्य आहेत. यात त्या प्रकारचे काहीही दाखवलेले नाही. परिस्थितीने सगळ्यांना एकत्र आणले व रोजच्या जीवनातील अडचणींवर ते एकमेकांच्या आधाराने कशी मात करतात हे दाखवलंय. त्यामधले कोणीही टीनएजर वगैरे नाहीत ना कोणाची आपसात प्रेमप्रकरणे चालू आहेत. कुठल्याही प्रकारची, अगदी आडून आडून वा सूचक सुद्धा, शारीरिक जवळीक नाहीये. त्यामुळे एकतर मालिका नीट बघितली नाहीये किंवा ऐकीव माहितीवर मत बनवलेलं आहे. मुलगा आणि मुलगी यांच्यात नुसती मैत्री असूच शकत नाही या जुनाट विचाराच्या प्रभावातून बाहेर या.

आक्षेपच घ्यायचा तर, माझ्या नवऱ्याची बायको, खुलता खुळी खुलेना या मालिकांना घ्यावा. कारण त्यात विवाहबाह्य संबंध, पार्टीमध्ये दारू जास्त प्यायल्यावर आलेल्या संबंधामुळे लग्नाआधी गरोदर राहिलेली मुलगी यासारखे प्रसंग आहेत.