मिपाकट्टा: पुणे सप्टेंबर २०२२

मला वाटतं पाताळेश्वर-२०१८ नंतर पुण्यात जाहीर कट्टा झालेला नाही.
(अघोषित कट्टे बहुतेक दरमहा होत असावेत.)
पण असं ठरवून "नंतर प्रोफेशनल लाईफ बद्दल कोणतीही चर्चा न करता या वेळी साहित्यिक किंवा संबंधीत विषयावर चर्चा करूया." हे फारच औपचारिक वाटतं. कट्टे कसे मोकळे ढाकळे, गप्पा मारण्यासाठी व्हायला हवेत.

पुणे कट्टा धागा क्रमांक १ असे टाकावे..
चार्वितचर्वण होईतो दोन धागे होतील

मला वाटतं १७ सप्टेंबर, शनिवार ही तारीख ठरवण्यास हरकत नाही, गणपतीची धामधूम पण संपून जाईल, थोडे निवांत भेटता येईल.

श्री पाषाणभेद, जाहिररीत्या कट्ट्याचा धागा टाकल्याबद्दल धन्यवाद आणि शुभेच्छा. तुमच्यासारख्या जिंदादिल मिपाकरांना बघुन आनंद होतो.

एक विनंती:
जमले तर कट्टा प्रसारण आंतरजालावर होऊद्या. ज्यांना त्याठिकाणी येता येणार नाही त्यांना कमीत कमी लांबुन आस्वाद घेता येईल. एमएस टीम (MS Team), झुम (Zoom), गुगल मीट (google meet) इ. सारखे सॉफ्टवेअर तुम्हाला उपयोगी पडु शकतात. त्याविषयातील तज्ञ तुम्हाला सहज मिपावर मिळतील.

कट्ट्याला हार्दिक शुभेच्छा.
फोटो आणि खादाडी सह कट्टा वृत्तांताच्या प्रतीक्षेत.

मात्र सकाळी १० ते १ म्हणजे वेळ कमी पडेल असे वाटते आहे. केवळ ३ तास पुरेसे होतील का?

कट्ट्याला हार्दिक शुभेच्छा! १७ तारखेला काही पुर्वनियोजित कार्यक्रम नसल्याने (आणि पर्जन्यराजाने अनुकुलता दर्शवल्यास) आत्ता तरी कट्ट्याला उपस्थित राहता येईल असं वाटतंय. वेळ आणि ठिकाण समजल्यावर अचानक येउन थडकण्याचा पर्यायही उपलब्ध आहेच!

उत्साहवर्धक !!
2019 च्या दिवाळीपूर्व पाताळेश्वर कट्ट्याला १० जण उपस्थित होते.
यावेळेस तो आकडा मागे टाकूयात !

१) वाचून झालेल्या पुस्तकांची अदलाबदल

कट्ट्याला करता येईल. वाशी महाकट्ट्याला मी आणलेली होती.

येण्याचा प्रयत्न करतो...

कट्ट्याला शुभेच्छा !

पहिलाच कट्टा आहे अशा सर्वांनी येण्याचा प्रयत्न करावा..
माझ्या कोणी ओळखीचे नाही या कारणाने कट्टा मिस करू नये

साडे नऊला पोहोचू शकतो. पण दुपारी पावणेबाराची भुसावळ पकडावी लागते. नंतर एकदम सवातीनला गाडी आहे.

येण्याचा नक्की प्रयत्न करीन

सध्या प्रवासावर बंधने आहेत त्यामुळे नगरहून कोणी जाणारे असेल तर त्यांच्यासोबत त्यांच्या अथवा माझ्या खाजगी वाहनाने नक्कीच कट्ट्याला उपस्थित राहील .
इच्छुकांनी नक्की संपर्क करावा .
ता क - मी ड्राईव्ह करणार नाही ( गाडी माझी असली तरीही )

इच्छा असूनही जमणार नाही.
१६ तारखेलाच १ आठवड्यासाठी बिझनेस ट्रिपला निघत आहे.
बिझनेस ट्रिपचे नक्की होत नव्हते त्यामुळे आधी प्रतिसाद दिला नाही.
कट्ट्याला शुभेच्छा.
सविस्तर व्रुत्तांत (खादाडी आणि फोटोसहीत) पाहिजे.

धागा तापलेला असू द्या .. नाहीतर लोक विसरतात

पाभे ,पुणे कट्टा आयोजित करण्यात पुढाकार घेतल्याबद्दल धन्यवाद. वेळ व जागेबद्दल थोडी अधिक माहिती दिलीस तर सोईचे होईल.
आमच्यासारख्या पहिलटकरांना धाकधूक राहणार नाही.

पाताळेश्वर हे ठिकाण पुण्यात जंगली महाराज रोडवर असून शिवाजीनगर बस/रेल्वस्थानकापासून जेमतेम एक किमी अंतरावर आहे.

अगदी छोटीशी जागा आहे, तिथे एखादा लोकांचा घोळका असेल तर "तुम्ही मिपाकर का?" असे बिनधास्त विचारायचे. घोळका नाही दिसला तर घोळका बनण्याची वाट पहा. भिडस्त नसाल तर एकट्या दुकट्या व्यक्तीलाही "तुम्ही मिपाकर का?" असे विचारु शकता.

कट्टा आयोजकांनी वेळ जाहीर केली तर उत्तम होईल.

मिपाकट्टा: पुणे सप्टेंबर २०२२

दिनांक : १७ सप्टेंबर, शनिवार
वेळ : सकाळी १० ते दु. १

स्थानः
पाताळेश्वर लेणी, जंगली महाराज मंदिराशेजारी
जंगली महाराज रोड, शिवाजी नगर,
पुणे - 411005

मिपा कट्टा स्थान नकाशा :

https://www.google.com/maps/place/Pataleshwar+Caves/@18.5269309,73.8498579,15z/data=!4m5!3m4!1s0x0:0x8106974593f8a6e9!8m2!3d18.5269309!4d73.8498579

सध्याचा मुसळधार पावसाचा अंदाज बघता, खूप पाऊस असल्यास बालगंधर्व रंगमंदिराच्या आवारात भेटू शकतो का?
तेथे बुकिंग खिडकीजवळ मोकळी जागा असून सदर ठिकाणी छप्पर असल्याने पावसाचा त्रास होणार नाही.
बालगंधर्व रंगमंदिर हे सार्वजनिक ठिकाण असल्याने तेथे कितीही वेळ गप्पा मारू शकतो.
आवारात सशुल्क पार्किंग उपलब्ध आहे.

आयोजकांनी ह्या सूचनेचा विचार करावा.

तरीसुद्धा मौसम विभागाची चेतावणी आणी आजचा पाऊस बघितल्यावर वाटते कट्टा तारीख बदली करण्याचा विचार करावा.

पाषाणभेद, तुमच्यासारख्या उत्साही आणि स्वत:च्या आनंदात इतरांना सहभागी करुन घेण्याच्या वृत्तीचे कौतुक वाटले.

आजच्या मिपाकट्ट्याला मनःपूर्वक शुभेच्छा.
आयोजन नेटके वाटत आहे. कट्टा यशस्वी होणारच.

कट्टयाला खूप शुभेच्छा !

काम आहे पण थोड्या वेळ तरी यायचा प्रयत्न करतो .

पाभे - आपला उत्साह कौतुकास्पद !

कट्ट्याला उपस्थित रहाणार्‍या सगळ्याना शुभेच्छा.
शं नो वरुणः

मिपा कट्टयाला शुभेच्छा.

पाभे आणि सर्व कट्टेकरींना भेटण्यास उत्सुक !

कट्टयाला खूप शुभेच्छा !

१४ मिपाकरांच्या (तेरा पुरुष आणि एक स्त्री )उपस्थितीत आता कट्टा छान चालू आहे. मला काही कारणास्तव लवकर निघावे लागलेले असल्याने हा पहिला प्रतिसाद लिहीत आहे.

छान पैकी ऊन आणि अधून मधून पावसाची किंचितशी भुरभुर अशा प्रसन्न वातावरणात गप्पागोष्टी, परिचय अशी धमाल आलेली आहे....... !

मुक्त विहारी यांनी डोबिवली वरून येण्याचे ठरवले होते परंतू अतिवृष्टीमुळे येता आले नाही. परंतू वेळ लक्षात ठेवून व्हिडिओ द्वारे सर्वच उपस्थित सदस्यांशी वार्तालाप केला अर्थात हा त्यांचा व्यक्तिगत पातळीवर घेतलेला पुढाकार होता.

मस्त गप्पा होऊ द्या. तपशीलवार फोटो वर्णन येऊ द्या.

-दिलीप बिरुटे

आज मोठ्या मोठ्या मंडळींची भेट झाली !
शॉर्ट न स्वीट !
मजा आया . फोटो येऊ द्या लवकर - पाभे .

मला जमू शकते. वेळ बारा ते अडीच ठेवावी. रेल्वेने मुंबईहून येणे जाणे सोयीची पडेल. सकाळी खाऊनच निघतो आणि घरी सहाला परतू शकतो.
((परदेशी पर्यटक भारतात फिरताना सकाळचा भरपूर ब्रेकफस्ट करून निघतात आणि सहाला परत हॉटेलवर येऊन खातात. फक्त पाण्याची बाटली,नकाशा आणि लोनली प्लानेट पुस्तक घेऊन दिवसभर फिरतात. आम्ही हल्ली हीच पद्धत वापरतो. दुपारच्या जेवणाची वेळखाऊ फ्याशन ठेवली नाही. ))
जनहितार्थ प्रसारित.

कंजूस सर,

परदेशी पर्यटक भारतात फिरताना सकाळचा भरपूर ब्रेकफस्ट करून निघतात आणि सहाला परत हॉटेलवर येऊन खातात.

आम्ही ही पद्धत आमच्या सहलीत बऱ्याच वेळा वापरतो, हेवी नास्ता, ९-९:च्या आत निघायचं आणि पण फक्त दुपारी ३-३:३० हॉटेलवर नंतर पोहोचायचे ! मस्त सिस्टीम आहे ही !

तुम्ही एका प्रतिसादात "साडे नऊला पोहोचू शकतो. दुपारी पावणेबाराचीची गाडी पकडता येते असे लिहिले होते. नंतर मग थेट दु ३:३० लाच ट्रेन आहे असे आपले बोलणे झाले. कट्ट्या नंतरचा वेळ आपल्याला सोबत घालवता आला असता आणि दु ३:३ओ च्या ट्रेनला तुम्हाला सोडले असते .... पण ..
... पण माझेच नक्की नव्हते ! असो ! कट्ट्यात तुमची आवर्जून आठवण काढली !