दिवाळी अंक २०२१ : बेटावर एकटेपणाच्या

Primary tabs

अनन्त्_यात्री's picture
अनन्त्_यात्री in दिवाळी अंक
1 Nov 2021 - 9:00 pm

बेटावर एकटेपणाच्या
=============

बेटावर एकटेपणाच्या
धुमसे ज्वालामुखी स्मृतींचा
ढळलेली उल्का झळझळती,
अनाहूत
कोसळून विझे

आदिम इथली जमीन शापित
हवा भारली, पाणी मंत्रित
दिशा कुंठल्या, कातरवेळी
घनगंभीर
पडघम वाजे

का धुपला नि:संग किनारा?
का उसासतो जखमी वारा?
अदम्य आशेचा निर्झर का
क्षणैक उसळे,
पुन्हा थिजे?

ओथंबून बेटावर जेव्हा
झरे केशरी पुनवचांदवा
अपार करुणेच्या वृक्षाचे
बीज कोवळे
कुठून रुजे?

प्रतिक्रिया

ज्ञानोबाचे पैजार's picture

2 Nov 2021 - 10:29 pm | ज्ञानोबाचे पैजार

अनन्त्_यात्री म्हणजे अफाट शब्द संग्रह आणि विलक्षण आशयघन कविता, तुम्ही कधी निराश करत नाही

हे चिंतनही आवडले

पैजारबुवा,

प्राची अश्विनी's picture

8 Nov 2021 - 7:00 pm | प्राची अश्विनी

+१

पाषाणभेद's picture

3 Nov 2021 - 3:19 am | पाषाणभेद

निराशेकडून आशेकडचा प्रवास आवडला.

पैजारबुवांचे म्हणणेही योग्य आहे.

किरण कुमार's picture

3 Nov 2021 - 11:40 am | किरण कुमार

क्षण पकडून ठेवलेली कविता..

कुमार१'s picture

3 Nov 2021 - 11:48 am | कुमार१

छान आहे.

अनिंद्य's picture

8 Nov 2021 - 8:40 pm | अनिंद्य

@ अनन्त्_यात्री

कविता माझा प्रांत नाही आणि मला त्यात फारसे गम्यही नाही, पण ही कविता फार आवडली. सुरेख उत्कट अर्थपूर्ण शब्दावली…

तुषार काळभोर's picture

9 Nov 2021 - 8:23 am | तुषार काळभोर

ओथंबून बेटावर जेव्हा
झरे केशरी पुनवचांदवा
अपार करुणेच्या वृक्षाचे
बीज कोवळे
कुठून रुजे?

सुरेख!!

प्रा.डॉ.दिलीप बिरुटे's picture

9 Nov 2021 - 10:15 am | प्रा.डॉ.दिलीप बिरुटे

आवडली कविता. लिहिते राहा.

-दिलीप बिरुटे

चौथा कोनाडा's picture

10 Nov 2021 - 1:32 pm | चौथा कोनाडा

सुंदर !
+१

गुल्लू दादा's picture

16 Nov 2021 - 2:08 am | गुल्लू दादा

आवडली. धन्यवाद.