रेसीपी ऑफ ग्लास ट्रेसिंग ऊर्फ GT

मस्त लेख आणि वाक्या वाक्याशी सहमत. ज्याने ईंजिनीयरिंग ड्रॉईंग १-२ वर्षे केले असेल त्यालाच ह्या सगळ्या प्रकाराची चांगली कल्पना येईल. एकाची असाईनमेंट सगळ्या वर्गाने कॉपी करणे ,एकाचे ड्रॉईंग सगळ्यांनी जीटी करणे, झेरॉक्स च्या झेरॉक्स पुन्हा पुन्हा काढणे ह्यावरच ईंजिनीयरिंगची गाडी पुढे सरकते, कारण नाहीतर स्व अभ्यास करायला वेळच राहत नाही.

विशेषतः उपनगरातील विद्यार्थी ट्रेनचा प्रवास, ६-७ तास कॉलेज, ठाणे,घाटकोपर ला असणारे क्लासेस यात ईतके अडकलेले असतात की जीटी म्हणजे वरदानच.

व्वा, मस्त खुसखुशीत लिहिलंय ! माझे इंजिनियरींगचे दिवस आठवले !
आमच्या बॅचला दोन जीटी एक्सपर्ट होते, नाममात्र दरात इतरांच्या शीट्स जीटी करून द्यायचे, त्या दिवसांत त्यांची खुप वट होती !

आपल्या देशातली कुत्र्याच्या छत्रीसारखी उगवलेली शिक्षणसम्राटांची ढीगभर अभियांत्रिकी महाविद्यालये हे असे 'जी टी' अभियंते घाऊक रेटने पैदा करतात. डोंबल्याचा जातोय देश पुढे. मला वाटते अभियांत्रिकीला प्रवेश घेणाऱ्या प्रत्येक विद्यार्थ्याला तो अभियांत्रिकीच का करणार आहे आणि अभियंता झालेल्या प्रत्येकाला तो अभियंता नक्की का झाला आहे हा प्रश्न विचारायला हवा.

बरेचदा original शीट कमी मार्क्स अथवा correction मिळत असे व GT वाली शीट व्हेरी गुड असा शेरा घेऊन येते , तेव्हा original मालका चा चेहरा बघण्या सारखा व्हायचा

मजेशीर आहे एकदम, इंजिनियरच्या (खासकरून हॉस्टेल च्या) गोष्टी ऐकण्यासारख्या असतात. माझ्या एका मैत्रिणीचा नवरा तेव्हा कॉलेज चा टॉपर होता, हि त्याच्याकडून नोट्स विकत घ्यायची २-३ वर्ष अगदी मंडई बार्गेनिंग करून शिव्या-बिव्या घालून. दोघांनी एकमेकांना १-२ लफड्यामध्ये मदत पण केली होती. आता कॉलेज संपल्यावर जमलं ह्यांचं. आता पण पोरं आसपास नसतील तर दोघे एकमेकांना मजेमजेत म, भ वाल्या शिव्या पण घालतात.

एकदा रात्री 11 ला क्लच प्लेटची GT मारायला बसलो, front view and side view (section view) होता. 4 जणांच्या शीट GT मारायच्या होत्या. 4 कोपऱ्यात चौघे बसलो होतो आणि धडाधड चालू झालो. शेवटची GT झाली तेव्हा रात्रीचे 2 वाजून गेले होते. सगळ्यांनी पटापट शीट आपापल्या कंटेनरमध्ये भरून पोबारा केला. सकाळी डायरेक्ट मास्तरसमोर गेलो. पहिल्या तीन जणांच्या शीट चेक झाल्या, चौथ्याने शीट मास्तरसमोर ठेवली आणि मस्तारसकट सगळे तीनताड उडाले. Section view चे hatching करताना काही ठिकाणी केले होते काही ठिकाणी राहिले होते, रात्री दोन जण haching ला बसले होते. सलग चौथी शीट असल्याने आलेला कंटाळा आणि अति शहाणपणा यामुळे ते अर्धवटच झाले होते. चौथ्याला पूर्ण सत्र मास्तरने पिळुन घेतला.

मास्तर लोक पण खरे ड्रॉईंग कोणते आणि जि टी कोणते हे जाणून घेण्यात पटाईत झाले असतात .. खास करून वर्तुळाकार आकार काढताना मुळापासून काढले असल्यास केंद्रबिंदू ला एक कंपास वापरल्याचे अणकुचीदार पणाचे लक्षण असते ते जर जि टी मध्ये विसरलात तर शंख करावा लागतो

इंजिनिअरींग ड्रॉइंग शीट्स च्योप्य पस्ते करण्याच्या प्रक्रीयेचे खुमासदार वर्णन आवडले.
मी अभियांत्रिकी शिक्षण नाही घेतले. पण ११वी १२वी ला व्होकेशनलमधे मेकॅनिकल होते. त्यामुळे इंजिनिअरींग ड्रॉइंग थोड्या प्रमाणात करावे लागले.
तेव्हा या प्रक्रियेला टोपो मारणे असा शब्दप्रयोग केला जात असे.

आम्ही प्लास्टिकच्या बादलीत बल्ब ठेवायचो आणि बादलीवर काच किंवा फायबरची ट्रान्सपरन्ट प्लेट ठेवायचो.

बाकी रेसिपीचे वर्णन खुमासदार केलेय. झोपेत रोल नंबर आणि नाव गिरवणारे आमच्याकडे पण होते ☺️
मस्त लेख.

कॉपीनाम अध्याय एकोणिसावा आवडला.

पाटील सर आपण engineering करताना खुप श्रम केले असावेत, त्या श्रमाचे तुम्हाला फळ मिळेलच. जर ते खरे श्रम असतीले तर. कुठल्याच कॉलेजमध्ये तेवढा वेळ दीला जात नाही. मग असा आभ्यासक्रम का बनवतात? पण engineering ला market मध्ये DEMAND आहे म्हणुन engineering चे शिक्षकसुध्दा डोळेझाक करत असतील, तर पाटील भाऊ....... माझ्या शिक्षकांचा एक शब्द होता ह्याबाबतीत...ते माझे गणिताचे शिक्षक होते, ..तो शब्द होता : "कॉपीबहाद्दर".
माझे गणित अजुनही नाही चांगले झालेय. engineering च्या विद्यार्थ्यांचे गणित खुप चांगले असते असा माझा अजुनही समज आहे. मला पहील्यापासुन विज्ञान शिकायचे होते. मला कधीच हवी होती ती डीग्री मिळाली नाही, कधीच हवा होता तो जॉब नाही मिळाला.
पाटील भाउ आपण व मी घेतलेले शिक्षण कधीच जुनं व जुन झालंय. पण अजुनही market ला मध्ये DEMAND आहे, त्याच market
चे नाव 'शेअर मार्केट'.
प्रलयघंटावादीकरण obviously नाही करताय. But in this era, only real fun left is being with educated people - वरच मला नाही माहीती पण खालती माझ नाव होतं हो!!!

मध्ये* here * = typo.

तान्त्रिक शिक्षण प्रवासातल्या एका महत्वाच्या आडवळणाचे सुन्दर वर्णन.

सगळ्यात शेवटची पायरी म्हणजे काहीवेळा GT च्या Quality Rating बद्दल बोलताना कुणा रसिकाकडून मिळालेला शेरा - एकदम "माशी to माशी" (म्हणजे खालच्या कागदावरची, माशा मारताना गारद झालेली माशी देखील वरच्या कागदावर झकास आलेली आहे म्हणजेच अगदी तन्तोतन्त copy झालेली आहे).