अस्तित्व

अस्तितत्वता नसते जिथे या जगाची
दूर-दूर....अशा निवांत निश्चल एकांती
रम्य निर्मळशा सरिते काठी
शांत-शांत ... अन हिरवी जेथे वनराई

निर्झराचे वाही चम् -चम् पाणी
गाई खळखळ मंजूळ गाणी
धुंद धावतो पवनही रानोरानी
शीळ मधुर वाजवीत पानोपानी

किलबील-किलबील करोनिया नाद
रानपाखरे मना घालिती साद
राहत नाही मग मजला भान
अल्लड वासरपरि मन धावे बेभान

पाण्याचा खळखळाट ....
वार्याचा थयथयाट ...
पाखरांचा चिवचिवाट...
जिथे, तिथेच असते रूजत
माझे चिरंजीव -
अस्तित्व .