जगावेगळे मागणे मागतो मी
तुझी याद नाही विसर मागतो मी
स्मरावे तुला ना प्रभो मी कधीही
तुझ्या दुश्मनांना शरण मागतो मी
नको शाश्वती जीवनाची दयाळा
हवे त्याच वेळी..; मरण मागतो मी
किती आजवर मीच केलीत पापे
नको श्वास आता, अभय मागतो मी
इथे माजले धुर्त स्वार्थांध सारे
जमावे मला वाकणे.., मागतो मी
नुरे पात्रता रे तुला प्रार्थण्याची
'हरामीपणा' थोडका मागतो मी
जगाला कळेना विनंत्या मनाच्या
विषाचाच जहरीपणा मागतो मी
कुणी ना म्हणावे पुरे रे 'विशाला'?
जगावेगळ्या मागण्या मागतो मी !
विशाल..
प्रतिक्रिया
9 Jun 2015 - 11:16 am | मदनबाण
नको शाश्वती जीवनाची दयाळा
हवे त्याच वेळी..; मरण मागतो मी
क्या बात है,वाह...
मदनबाण.....
आजची स्वाक्षरी :- भिगी भिगी भिगी जादु भरी लम्हों की ये राते... :- Thakshak
9 Jun 2015 - 11:29 am | स्वीत स्वाति
लिहिलि आहे कविता
9 Jun 2015 - 11:46 am | दमामि
विकु, मस्तच रे!
9 Jun 2015 - 11:52 am | एक एकटा एकटाच
अजून एक मस्त कविता
विशाल दा पुन्हा एकदा champion........
9 Jun 2015 - 12:23 pm | चुकलामाकला
सुंदर!
9 Jun 2015 - 2:07 pm | नूतन सावंत
छान आहे.
9 Jun 2015 - 2:12 pm | अजया
सुरेख कविता.
9 Jun 2015 - 2:20 pm | चिनार
जबराट !
9 Jun 2015 - 2:20 pm | मिसळलेला काव्यप्रेमी
अजुन एक दर्जेदार रचना..
9 Jun 2015 - 2:25 pm | शशांक कोणो
विशाल कुलकर्णी
छान लिहिली आहे कविता ........
9 Jun 2015 - 2:25 pm | विशाल कुलकर्णी
धन्यवाद मंडळी _/\_
9 Jun 2015 - 5:08 pm | गरजू पाटिल.
विशालदा...
ला ज वा ब*
9 Jun 2015 - 5:24 pm | अत्रुप्त आत्मा
सुंदर अभिव्यक्ति.
9 Jun 2015 - 5:28 pm | सूड
हे विशेष आवडलं.
9 Jun 2015 - 6:12 pm | सटक
अप्रतिम....गझलचा बाज आहे..मक्ता छान!
कुणी ना म्हणावे पुरे रे 'विशाला'?
जगावेगळ्या मागण्या मागतो मी ! (मनी रात्र काळी, 'सेहेर' मागतो मी !)
9 Jun 2015 - 6:56 pm | विशाल कुलकर्णी
मनी रात्र काळी, 'सेहेर' मागतो मी !
वाह, क्या बात आवडेश, आवडेश ! लिहायला बसलो तेव्हा गझलच डोक्यात होती, पण नंतर जाणवलं की भुजंगप्रयात वापरून गझलेपेक्षाही सुंदर कविता होवू शकेल. म्हणून मग गझलेचा मोह टाळला. धन्यवाद :)
9 Jun 2015 - 7:54 pm | सटक
छानच जमली आहे! व्रुत्तरचना नामशेश होण्याच्या मार्गावर आहे आता! पुढील लेखनासाठी शुभेच्छा!!
9 Jun 2015 - 6:57 pm | विशाल कुलकर्णी
सर्व प्रतिसादकांचे मनःपूर्वक आभार _/\_
10 Jun 2015 - 10:07 pm | पैसा
खास रचना! सुरेख!