✍ मराठी साहित्य, संस्कृती आणि लेखनाचे व्यासपीठ

जगावेगळे... !

— विशाल कुलकर्णी,
जगावेगळे मागणे मागतो मी तुझी याद नाही विसर मागतो मी स्मरावे तुला ना प्रभो मी कधीही तुझ्या दुश्मनांना शरण मागतो मी नको शाश्वती जीवनाची दयाळा हवे त्याच वेळी..; मरण मागतो मी किती आजवर मीच केलीत पापे नको श्वास आता, अभय मागतो मी इथे माजले धुर्त स्वार्थांध सारे जमावे मला वाकणे.., मागतो मी नुरे पात्रता रे तुला प्रार्थण्याची 'हरामीपणा' थोडका मागतो मी जगाला कळेना विनंत्या मनाच्या विषाचाच जहरीपणा मागतो मी कुणी ना म्हणावे पुरे रे 'विशाला'? जगावेगळ्या मागण्या मागतो मी ! विशाल..
3337 वाचन
💬 प्रतिसाद (19)

मदनबाण
Tue, 06/09/2015 - 11:16 नवीन
नको शाश्वती जीवनाची दयाळा हवे त्याच वेळी..; मरण मागतो मी क्या बात है,वाह...

मदनबाण.....

आजची स्वाक्षरी :- भिगी भिगी भिगी जादु भरी लम्हों की ये राते... :- Thakshak

सटक
Tue, 06/09/2015 - 18:12 नवीन
अप्रतिम....गझलचा बाज आहे..मक्ता छान! कुणी ना म्हणावे पुरे रे 'विशाला'? जगावेगळ्या मागण्या मागतो मी ! (मनी रात्र काळी, 'सेहेर' मागतो मी !)

विशाल कुलकर्णी
Tue, 06/09/2015 - 18:56 नवीन
मनी रात्र काळी, 'सेहेर' मागतो मी ! वाह, क्या बात आवडेश, आवडेश ! लिहायला बसलो तेव्हा गझलच डोक्यात होती, पण नंतर जाणवलं की भुजंगप्रयात वापरून गझलेपेक्षाही सुंदर कविता होवू शकेल. म्हणून मग गझलेचा मोह टाळला. धन्यवाद :)
↩ प्रतिसाद: सटक