मिपावर प्रतिसाद देताना ठराविक शब्द वापरले जातात आणि ते पुन्हा पुन्हा वाचायला मिळतात.त्यांचा संदर्भ माहीत नसल्याने नवखा माणुस ते वाचुन प्रथम गोंधळतो,मग हळुहळु चाचपडत का होईना त्याला थोडेथोडे शब्द कळु लागतात.आणि मग तोही या दंग्यात सामील होउन जातो. मला सापडलेले काही शब्द असे
चोप्य पस्ते (कॉपी पेस्ट)
चानचान (छानछान)
जौदे बै (जाउ दे बाई)
चेपु,तुनळी (फेसबुक,युट्युब)
जिलब्या (लेख)
पिंक (प्रतिक्रिया)
हहपुवा (हसुन हसुन पुरेवाट)
ह्घ्या (हलके घ्या)
या शिवाय काही महान लोकांच्या स्मरणार्थ चेसुगु,जीवनभौ वगैरे
तर समस्त मिपाकरांना आवाहन कि नवख्या मिपाकरांच्या सोयीसाठी असे अजुन शब्द सांगावे.
प्रतिक्रिया
5 Dec 2013 - 5:00 pm | पैसा
पाटीवरती काढीन चित्रे
पाहुनी रेघा भितात पितरे
भूगोलातील ओहोटी भरती
लिहिता पोरे हसून मरती
पाटीपेणसल द्या मज आणुनी
5 Dec 2013 - 5:02 pm | बॅटमॅन
आज प्रतिभेच्या पर्‍ह्याला लागली कळ, काव्य बदाबदा गळं ;)
5 Dec 2013 - 5:06 pm | पैसा
ऑन डिमाण्ड! पुढची यमके तूच जुळव.
6 Dec 2013 - 8:35 am | अत्रुप्त आत्मा
@पाहुनी रेघा भितात पितरे>>> =))
4 Dec 2013 - 3:18 pm | अत्रुप्त आत्मा
@ तुला तरी यल्ल काढता येतो का पाटीवर?>>>
6 Dec 2013 - 7:19 pm | पिशी अबोली
चालूद्या...
4 Dec 2013 - 2:54 pm | पियुशा
चील माडी अन हलके घ्या राहीला की !
4 Dec 2013 - 3:12 pm | राजेंद्र मेहेंदळे
असाही एक धागा काढावा कोणीतरी
6 Dec 2013 - 2:19 am | आदूबाळ
क्या बात है! गिल्टी अ‍ॅज चार्जड!
4 Dec 2013 - 4:27 pm | शैलेन्द्र
"धाग्याला/प्रतिक्रियेला पंख लागणे" हा प्रकार हल्ली फारसा दिसत नाही.
4 Dec 2013 - 4:32 pm | अभ्या..
लागतेत की अजुनपन.
फ़क्त कशामुळे किंवा कुणामुळे लागले कळत नै. ;-)
4 Dec 2013 - 4:35 pm | प्यारे१
ते गुन्हेगाराला मारताना सगळ्याच्या हातात दंबूका देतेत तसं हाय ते! ;)
4 Dec 2013 - 4:46 pm | शैलेन्द्र
एक लंबर प्रतिक्रिया
4 Dec 2013 - 4:37 pm | विश्वनाथ मेहेंदळे
पंख लागतात पण त्या बद्दल शंख करणारे हल्ली दिसत नाहीत.
4 Dec 2013 - 4:45 pm | शैलेन्द्र
बरोबर,
हल्ली अपमान एकांतात सोसायची फॅशन आलीय बहुदा..
4 Dec 2013 - 4:56 pm | प्यारे१
तेचं काय्ये ना!
प्रतिसाद काढला म्हणून डोक्यातनं जातो असं नस्तं.
नि नाही काढला म्हणून डोक्यात ठेवला असं पण नस्तं.
काय बोम्बा मारायच्या?
सगळे शाणे असतात. :)
4 Dec 2013 - 7:28 pm | अत्रुप्त आत्मा
@हल्ली अपमान एकांतात सोसायची फॅशन आलीय बहुदा..>>>
4 Dec 2013 - 7:34 pm | अभ्या..
न सोसून सांगतो कुणाला ?
दोन्ही साइडन बडवणार ह्येनीच. ;-)
बादवे ते पियूष मृदुंग दिसला नाय पून्हा :-D
4 Dec 2013 - 7:50 pm | बॅटमॅन
दर वाक्याचा कॉपीराइट घेणारा जबरा माणुस व्हता राव, काय चेष्टाय व्हय? ;)
5 Dec 2013 - 11:53 am | वासु
चेपु म्हणजे काय?
5 Dec 2013 - 11:55 am | मृत्युन्जय
चेपु = चेहरा (फेस) पुस्तक (बुक) = फेसबुक
5 Dec 2013 - 1:02 pm | प्रभाकर पेठकर
तुम्ही भलतेच कांही चेपू नका.
नाही, नांव 'वासू' आहे म्हणून म्हंटलं.
5 Dec 2013 - 2:07 pm | वासु
तुम्ही भलतेच कांही चेपू नका.???
म्हणजे मला नाही कळाल.
5 Dec 2013 - 8:58 pm | मराठे
अरेरे, तुम्ही चुकीचा आयडी घेतलाय. साने गुरुजी मिळतोय का बघा.
6 Dec 2013 - 2:36 am | उपास
सागु :))
6 Dec 2013 - 12:57 am | विजुभाऊ
अरे एक वाक्प्रचार राहून गेला ना
बोळा निघणे : जनक प्रभू मास्तर
6 Dec 2013 - 2:39 am | उपास
एकंदर काय, शब्द् सोयीस्कर असतिल तर प्रचलित होतात.. यातले कित्येक शब्द आता माझ्या रोजच्या वापरात यायला लागलेत... कंपू म्हणोत किंवा काही, पण ही सामायिक शब्दसंपत्तीच माणसामाणसांना जोडते.. एक संग्रह बनवून आला तर टाकतो.. हाकानाका!
6 Dec 2013 - 2:54 am | उपास
तर या भाषाविकासाला हातभार लागावा म्हणून हे डॉक्युमेंट शेअर करतोय
गुगल डॉक लिंक
सध्या सगळ्यांना ओपन एडिट ठेवलय त्यामुळे तुम्हाला वेळ होत जाईल तस तसे शब्द टाकत चला.. बँट्या त्या बायकांची नावं सुद्धा टाकता आली तर बरंच!
रच्याकने,
अशा प्रकारच्या बर्याच गोष्टी गुगल डॉक्स किंवा तत्सम टूल (ड्रॉपबॉक्स) वापरुन पब्लिग्कली/ ग्रुप्मध्ये शेअर करुन ठेवता येतिल (उत्तम लेखांच्या लिंका विषयवार../ युट्युबच्या लिंका) ज्या निवांतपणे बसून वाचता येतिल.
मी स्वतः अशी एक उत्तम लिस्ट मेंटेन करतोय, जी पर्सनल आहे आणि फावल्या वेळात (एअरपोर्टवर वगैरे) काय आणि कुठे वाचू/ पाहू असा प्रश्न येत नाही!