एका डॉक्टरचा अनुभव

कोल्हापूर जिल्ह्यामधील एक खेडेगाव . आम्ही सरकारी डॉक्टर त्या खेडेगावामध्ये नोकरीला (सरकारी इस्पितळामध्ये ) होतो...सकाळचे काहीतरी १०-११ वाजले असतील.....दवाखाना तसा सुस्तच होता. नुकताच राउंड टाकून आलो होतो आणि सर्व रुग्ण व्यवस्थित आहेत याची तपासणी आणि सिस्टर ना इतर सूचना करून माझ्या रुग्ण तपासणी खोली मध्ये येउन बसलो होतो आणि इस्पितळामध्ये असलेल्या इतर ऑफिस च्या लोकांशी काही बोलत होतो तो पर्यंत एक गलका ऐकू आला. गलका दवाखान्याच्या दिशेनेच येत होता म्हणून उत्सुकतेने मी पाहू लागलो तर एक साधारण ३५-४० वयाचा माणूस एका ७-8 वर्षे वयाच्या मुलाला दोन्ही हातामध्ये धरून पळत येत होता.
तो माणूस येताच त्याने सागितले कि पोराने काही तरी खाल्ले आहे आणि पोरगा बेशुद्ध पडला आहे . मी बारकाईने बघोतले तर त्या मुलाच्या तोंडाला काहीतरी पांढरे लागले होते. मी मुलाच्या डोळ्यामध्ये battery चा प्रकाश टाकला असता त्याची बुब्बुळ आकसली होती. त्यावरून माझ्या काहीतरी लक्षात आले आणि जवळ जमलेल्या लोकांना खोली बाहेर काढले व मुलाजवळ गेलो आणि हळू आवाजात म्हटले ' मला माहित आहे कि तू बेशुद्ध नाहीस, इथले सगळे खोली बाहेर आहेत आणि तू डोळे उघड, मी कोणालाही काही सांगणार नाही,' मग १-२ मि. त्यामुलाने डोळे उघडले, हळूच कानोसा घेतला आणि कोणीहि नाही ह्याची खात्री पटताच तो लगेच उठून बसला. मी त्याला विश्वासात घेउन विचारले कि बाबा तू असं का केलेस? तर त्याने दिलेले उत्तर मोठे धक्कादायक होते....तो म्हणाला ' आम्ही मुले - मुले दररोज तोंडाजवळ whitner ( जे type केलेले अक्षर खोडायला वापरतात ते पांढरे द्रव्य :) ) नेतो आणि त्याचा वास घेत आसतो... मग मी विचारले कि ह्याला पैसे कुठून आणता तर त्याने उत्तर दिले कि आम्ही मुल - मुलं घरी खाऊला जे पैसे देतात ते साठवतो आणि हे विकत घेतो. १ बाटली संपे पर्यंत पैसे साठतात मग दुसरी घेतो. आज जेव्हा वास घेत होतो तेव्हा अचानक वडील समोर आले मग आता हातामधील बाटली कुठे फेकणार म्हणून मी ते तोंडाला लावलं आणि बेशुद्ध पडायचं ढोंग केला.......मग मी मुलाला ह्या सर्व गोष्टीचे वाईट परिणाम सांगितले आणि म्हटला पुन्हा असं काही करून तू तुझा आयुष्य वाया घालवू नको.

मग मुलाला घेउन मी बाहेर आलो आणि सांगितला कि injection दिले आणि बरा झाला आसे सांगून त्याच्या वडिलांना औषध घ्यायला थोड्यावेळाने या आसे सांगितले...व ते वडील आल्यावर सांगितले कि त्याला मारू नका ...पण असं असं झाले होते...त्याला सांभाळा., वडील न मारण्याचा वचन देउन गेले. नंतर गावामध्ये कळला कि वडील पण दारुडे होते. :)