उंच माझा झोका ..

अरूण सर

नि:शब्द केलंय तुम्ही या गीतात. शीर्षकगीतातून कथानकाची कल्पना यावी इतकं ताकदीचं झालंय ते. सर्वांना आवडलंय शीर्षकगीत....

हॅट्स ऑफ .

अरुणजी खरच फारच सुंदर लिहीले आहे शिर्षक गीत. अगदी मनापासून सांगतो की ह्या गीताला झी मराठी अ‍ॅवॉर्ड्समध्ये नक्की अ‍ॅवॉर्ड मिळेल. टायटल साँग म्हणून खरच या गीताची दखल घेतली जाईल. आणि हो लगेच दुसर्र्याच दिवशी मी हे आपले गीत डाऊनलोड करून मोबाईलवर घेतले आहे.

आणि हो मी स्वतःहा झी मराठीचा फारच मोठा फॅन आहे. सो तुमची अजून कोणती गीते असतील तर मला कळवा. कारण मला चांगल्या रचना ऐकायला फारच आवडतात. आणि काय बोलू निशब्द केलेत.

दाटुनिया येता मेघ , भरे आकाश ओंजळ
माळ ही व्रताची जपता, झाले घराचे देऊळ
झिजे पायरी होऊन ..जन्म चंदनासारखा
त्याच्या कृतार्थ डोळ्यात ..झुले उंच माझा झोका

अप्रतिम रचना...

आरतीत तेवे माझ्या ..मंद व्रताची ही समई
तुळशीचे रोप माझे ..उंच आभाळात जाई
मीच ओलांडले मला ..सोबतीस माझा सखा
येई कवेत आकाश ..झुले उंच माझा झोका

अरूण जी, खुपच जमलेले काव्य. साहित्यिकाला परकाया प्रवेशाचा हक्क व वकूब असतो. याचे हे काव्य म्हणजे उदाहरण !
खरंच एका स्त्री ने लिहिलेलं वाटतंय ते !
आपल्या वरील ओळीनी एका हिंदी गाण्याच्या एका अंतर्‍याची आठवण दिली . ते असे
झूला धननका धीरे धीरे हम झुले
अम्बर तो क्या है , तारोंके बी लब चुमे
मस्तीमे डूबे और सभी गम भूले
जो देगी दिलको दिलकी पनाहे
आजा चले दे कही दूर
फैली हुई है सपनोकी बाहे ....................

अप्रतिम. कविता लवकर संपल्या मूळे वाईट वाटलं. :-( वाचताना मनात कुठेतरी 'महाश्वेता'तील कवीवर्य 'ग्रेस' यांनी रचलेलं शिर्षकगीत आठवत होतं.

तुमच्या आणखी रचना वाचायला आवडतील.

अमृत

मालिका पाहाताना ऐकलं होतं.पण आता एकसंध वाचताना नी ट अर्थ समजला..रमाबाईंच्या बालमनाचे तरंग आणि नंतर त्यांच्या महान कार्याचे वर्णन दोन्ही अगदी योग्य शब्दात मांडलय. सुंदर काव्याबद्दल अभिनंदन.

पहिल्यापासून या गाण्यावर नजर आहे व खूप आवडले आहे. अतिशय अर्थपूर्ण वाटले.
निलेश मोहरीर व जाह्नवी प्रभु-अरोरा यांनीसुद्धा या गाण्याचे सोने केले आहे.

या निमित्ताने प्रत्यक्ष कवीला हे सांगण्याची संधी मिळाली याचा आनंद आहे.

वरील दोघांनाही कौतुक कळवावे ही विनंती.
मोहरीर हे गुणी (जुन्या काळातला शब्दप्रयोग आहे, समजून घ्यावा) आहेतच, त्यांच्यावरही आमच्यासारख्या सामान्य रसिकांची नजर आहे हे त्यांना सांगा.

(एवढे लिहिण्यासाठीच मुद्दत के बाद लॉगिन केले.)
- दिगम्भा

खरोखर सुंदर रचना!
मानाचा मुजरा !!

-चैतन्य

म्हात्रे साहेब, अतिशय मस्त व सुंदर खर तर अप्रतिम कविता आहे.

ह्या ऊंच माझा झोका ग मालिकेत काहि भाग हे माझ्या गावी दाभोली येथे आमच्या देवळात गौतमेश्वर ह्या आमच्या कुलदेवाच्या देवळात चित्रित झाले आहेत.

आणि म्हात्रे साहेब, तुमचि कविता मनाचा ठाव घेणारी आहे. फार सुंदर

अरूण जी
अर्थपूर्ण गीत आणि त्याला चालही उत्कृष्ट आहे, सुंदर रचना _/\_ स्वीकारा!! :)

संपुर्ण गीत लाजवाब.

तोड नाहि शब्दांना.

आरतीत तेवे माझ्या ..मंद व्रताची ही समई
तुळशीचे रोप माझे ..उंच आभाळात जाई
मीच ओलांडले मला ..सोबतीस माझा सखा
येई कवेत आकाश ..झुले उंच माझा झोका

ग्रेट.

लिहित रहा... वाचत आहे.

मी मालिका बघत नसल्याने हे गीत इथेच पहिल्यांदा वाचतेय. मालिकेच्या पार्श्वभुमीशिवायही डोळ्यासमोर बाल-रमाबाईचे चित्र उभे राहिले.
अजाण वयात संसाराला लागणार्‍या बालिकेचे भाव खूप छान शब्दबद्ध केले आहेत.

खूपच सुंदर कविता...!

सुंदर आहे गीत!!
:)

व्वा व्वा.. अप्रतिम रचना :) :)

अप्रतिम लिहलंय..!!

काही शंका विचारू का?

"सोवळ्या मनात माझ्या" - सोवळ्या हा शब्द जरा पोलिटिकली इन्करेक्ट वाटत नाही का? त्यावरून अनेक नसते आक्षेप येऊ शकतील असे वाटते (सोवळे-ओवळे, ब्राह्मणीपणा, इ.) . सहज सुचणार्‍या "कोवळ्या" ऐवजी हा शब्द कसा आला?

"त्याच्या कृतार्थ डोळ्यात.. झुले उंच माझा झोका"
डोळ्यात झुले झोका हे जरा विचित्र वाटते, तुलना: नजरेत, दृष्टीने, इ.
त्याच्या कृतार्थ दृष्टीला दिसे उंच माझा झोका किंवा
त्याची कृतार्थ दृष्टी ग पाही उंच माझा झोका
असे काही तरी बरे वाटले असते.

अर्थात अशा अनेक चर्चा होऊन मगच हे गाणे झाले असणार म्हणा, पण शंका येतात खर्‍या मनात.
- दिगम्भा

आनंद वाटला. शीर्षक गीताची झलक. [ दुवा युट्यूब]

-दिलीप बिरुटे

नुकतेच या मालिकेबद्दल ऐकले.
तुम्ही गीत छानच लिहिले आहे. पूर्ण ऐकायला मिळते का ते पाहते.
तूनळीवरच्या व्हिडीओवर शेवटची ओळ फक्त ऐकू आली.
आता सिरियलही बघावी म्हणते. एकदा तासभर बसून पाचसात भाग एकदम पाहून होतील.

म्हात्रेजी, मागे हा धागा पाहिला तेव्हा ओझरता पाहिला होता व नंतर विसरुन गेलो. हे गाणे सिरिअल मध्ये ऐकले व वेडाच झालो या गाण्याने. एक एक शब्द अगदी मोत्या सारखा आहे. शब्दांची पेरण ही अगदी उत्कृष्ट. ही कविता कुणी लिहिली याचा शोध घेत होतो. शोध घेता घेता हा मिपाचा धागा सापडला व नंतर लक्षात आले की आपण हा धागा पूर्वी पाहिला होता. या गाण्याचे संगीतही अप्रतिम आहे. अद्वितीय!