हातचा
===============
.
.
हाती अर्धाच प्याला,
म्हणता सौख्य कळेना..
अवीट जीवन गोडवा,
मग जिभेवरी रुळेना..
.
स्वीकार मीच न केला,
माझ्या अपूर्णतेचा..
आसवांच्या अंध धारा,
राहिल्या देत ठेचा..
.
हाती अर्धाच प्याला,
जो तो बघे रिकामा..
धडपडा जीव "वेडा",
हताश नि निकामा..
.
जन्म आशा निराशा,
मन आंदोल साहवेना..
हातचा आधार विसरता,
जीवनी संघर्ष चुकेना..
.
हाती अर्धाच प्याला,
म्हणता सौख्य कळेना..
हा सोहळा असण्याचा,
हृदयांतरी खुलेना..!
.
बेरजेत मोजावयाचा,
हातचा राहून गेला..
जोडून त्यास घेता,
गोषवारा नवाच आला..
.
हाती अर्धा (च) प्याला,
कोट कोट सुखाचा...!
हाती अर्धा (च) प्याला,
काठो-काठ सुखाचा...!
.
.
===============
स्वाती फडणीस... २१०११०
प्रतिक्रिया
26 Jul 2010 - 5:48 pm | शुचि
वेगळीच मीती आहे या कवितेला. मला भलतीच आवडली. सुपर्ब!!!
26 Jul 2010 - 5:59 pm | श्रावण मोडक
वा! कवितेतून मांडलेला दृष्टिकोन पटो न पटो, त्यात ताकद आहे आणि रचनेतही ताकद आहे हे निश्चित. दोन दिवसांत दोन ताकदीच्या कविता वाचायला मिळाल्या. ही एक आणि दुसरी प्रार्थना.
26 Jul 2010 - 6:41 pm | क्रान्ति
आवडली कविता.
26 Jul 2010 - 9:34 pm | स्वाती फडणीस
:)
26 Jul 2010 - 9:40 pm | राजेश घासकडवी
तो मिळवल्यावर - हातचा - प्याला भरतो...
26 Jul 2010 - 9:46 pm | स्वाती फडणीस
हाती अर्धा (च) प्याला,
कोट कोट सुखाचा...!
हाती अर्धा (च) प्याला,
काठो-काठ सुखाचा...!
27 Jul 2010 - 7:37 am | स्पंदना
व्वा!! सुरेख.
27 Jul 2010 - 10:13 am | स्वाती फडणीस
:)
28 Jul 2010 - 10:01 am | निरन्जन वहालेकर
बेरजेत मोजावयाचा,
हातचा राहून गेला..
जोडून त्यास घेता,
गोषवारा नवाच आला.
. व्वा ! क्या बात है !