ऑन लाइन शॉपिंग

फ्लिपकार्ट डॉट कॉम या साईटवरुन मी अनेक वर्षे पुस्तकं, मोबाईल वगैरे मागवतो. रिलाएबल, फास्ट म्हणजे खरेच परफेक्टली इन टाईम.. सुरक्षित आहे हे इतक्या वर्षांत सिद्ध झालंच आहे.

फ्लिपकार्ट मी पण वापरतो बर्‍याचदा.
ह्याशिवाय इंडियाप्लाझा.इन आणि इ-बे या संकेतस्थळांचा माझा अनुभव चांगला आहे.
अर्थात हे ज्याच्यात्याच्या अनुभवावर डिपेंड आहे.

अवांतर :
ह्या क्षेत्रातले आमचे एक जाणकार मित्र मात्र 'ऑनलाईन खरेदी अजिबात करु नये' असा सल्ला देतात व त्यांनी दिलेले पुरावे पाहुन हे ही मत पटते, असो.

- छोटा डॉन

कमीत कमी त्रासदायक वस्तु म्हणजे पुस्तके, वाढदिवसाच्या भेटी वगैरे ऑनलाईन घ्याव्यात. वॉशिंग मशीन्,फ्रिज,१००० रुपयांचे शर्टस ऑनलाईन घेणारे महान असतात असे माझे मत आहे.

आपण तर ऑनलाईन अजिबात खरेदी करत नाही ,

प्रॉडक्ट घेतो, चेक करतो, प्रचंड घासाघिस करतो, दुकानदाराचा कधी-कधी व बर्‍याच दा दुकानदाराकडुन अपमान करवुन घेतो , चुकीचे निघाले की मग परत जावुन त्याची कॉलर धरतो, आणी चांगले निघाले तर त्याचा नंबर घेवुन ठेवतो.इतरांना देताना " माझ नाव सांग त्याला " म्हणुन सांगतो आणी भाव खातो ;)

कॅश ओन डीलीव्हरी.. अनूभव चांगला होता.

इतका चांगला अनुभव असुन काथ्या का कुटताय ?

रेडीफवरचा कॅश ऑन डिलीवरी पर्याय वापरुनच शॉपिंग केले आहे. पण दुकानात जाऊन घासाघिस करुन केलेली शॉपिंग केव्हाही चांगलीच हे माझं मत आहे.

बाकी फ्लिपकार्ट केव्हाही बेष्ट..

- पिंगू

होमशॉप१८ वरुन एक स्टील चा डिनर सेट घेतला होता , तो खुपच तकलादु निघाला. पॅक उघडतानाच काही भांड्यांचे हँडल तुटले. त्या नंतर तिथुन काहीच घेतले नाही.

घासाघीस नाही तर खरेदीत मजा नाही. म्हणुन आजवर कधीही ऑनलाईन खरेदी केली नाही.
तस्मात आम्ही हा काथ्या कुटाण्यात असमर्थ आहोत.

फ्लिपकार्ट चा माझा अनुभव तितकासा चांगला नाही. मी फ्लिपकार्ट वरुन पुस्तके व एक पेन ड्राइव्ह मागवला होता. डिलीव्हरी फार पटकन मिळाली. १ - २ दिवसांनी मी पेन ड्राइव्ह व्यवस्थीत चालत नसल्याची तक्रार केली. त्या नंतर त्यांनी ३ वेळा त्यांचा मानुस परत न्यायला येतो असं सांगुन आलाच नाही. १५ दिवसांनी त्यांचा मानुस ते परत घेउन गेला त्या नंतर ९ दिवसांनि फ्लिपकार्ट ने माझे पैसे फ्लिपकार्ट च्या खात्यात क्रेडिट म्हणुन जमा केले.

डिलीव्हरी फास्ट आहे पण फ्लिपकार्ट ची रीट्र्न पोलीसी खराब आहे आणि खुपच स्लो आहे. शक्यतो १००-२०० पेक्शा महाग वस्तुंसाठी तरी फ्लिपकार्ट वापरु नये अस माझा सल्ला आहे. बाकी आपण सुज्ञ आहातच..

मी अ‍ॅमॅझॉन आणि डीलएक्स्त्रीम (dealextreme) वरून बर्‍याचदा गोष्टी घेतल्या आहेत. त्यांचाही अनुभव चांगला आहे..

गंमत म्हणजे जर अ‍ॅमॅझॉनकडुन चुकीचे प्रॉडक्ट मिळाले आणि तक्रार केली, तर लगेच नविन पाठवले जाते आणि जुनेही.(चुकून मिळालेले) तुमच्याकडेच ठेवा असे सांगितले जाते. आपण ते जर दुसर्‍याकोणाला विकले तर आपलाच फायदा होतो.

अरे वा. घरबसल्या खरेदीच्या सोयीचा तुम्ही पण लाभ घेत आहात हे वाचून चांगले वाटले. पण त्या मागे आय.टी वाल्यांचे (त्याच आय.टी वाल्यांचे-- ज्यांना १२-१२ तास मशीनसमोर उभे राहायला, तेलात हात घालायला आवडत नाही पण ए.सी मध्ये बसून आरामातली नोकरी आणि पैसा हवा आणि १९९५ नंतरच्या जागतिकीकरणाच्या लाटेत मेक्यानिकल इंजिनिअरींगची वाट लावणार्या त्याच आय.टी वाल्यांचे) योगदान आहे. असो.

तुम्हाला ऑनलाईन शॉपिंगचा अधिकाधिक फायदा यापुढील काळात होऊ दे ही शुभेच्छा.

रेडिफ शॉपिंग फार पूर्वीपासून करत आलोय.
टीशर्ट्स, कॅज्युअल वेअरमध्ये फ़ॅशन-स्ट्रीट-क्वालिटी किंवा थोड्या बर्‍या क्वालिटीचे टीशर्ट्स रेडिफ़वरून पूर्वी विकत घेतले होते ते बर्‍यापैकी चांगले निघाले.
अर्थात् रंगांच्या बाबतीत फार चॉईस नसतो, त्यामुळे "रंगबिंग काही नाही, फक्त मळखाऊ बघायचं, आणि रास्ताबिस्ता काही नाही, कपडा सस्ता आहे की नाही, हे बघायचं" असं धोरण असल्यास बिनधास्त कपडे-खरेदी करता येते.
या खेरीज टूलकिट, डब्यांचा सेट, हॅवरसॅक, बर्थडे केक, फळे, फुले, इ. गोष्टी विकत घेणे/गिफ़्ट करणे यांसाठीही रेडिफ़ हा चांगला पर्याय आहे.
अगदी पाच-सहा वर्षांपासून कॅश-ऑन-डिलिव्हरी हा पर्याय उपलब्ध असल्यामुळे क्रेडिड/डेबिट कार्ड वापरायच्या फ़ंदात पडलो नाही. नेटबॅंकिंगचा पर्याय (मला वापरता) आल्यापासून तर हाच पर्याय मी निवडतो.
बिग-बझार/फ़्यूचर बझार या ऑनलाईन बाजारांमध्ये जास्त फिरकलो नाही.

भारतातल्या ऑनलाईन शॉपिंगमध्ये एक त्रुटी आहे. मोठ्या शहरांमधला पत्ता असल्यास फ़्री डिलिव्हरी देणार्‍या या संस्था लहान गावांमध्ये खेड्यांमध्ये "पेड" डिलिव्हरी द्यायलाही तयार नसतात.
(क्रमशः)

अरे वा...! माहितीपूर्ण चर्चा. मी कधी ऑनलाइन खरेदी केलेली नाही.
फ्लिपकार्टचा उपयोग घ्यावा असे वाटायला लागले आहे.

-दिलीप बिरुटे

उदा. मी सध्या पिलाणी (राजस्थान) येथे राहतो. सर्वात जवळचा बिग बझारचा मॉल दिल्ली किंवा जयपूर या शहरांमध्ये (दोन्ही ठिकाणं सहा तासांच्या बसच्या प्रवासाच्या अंतरावर, पिलाणीत रेल्वे नाही त्यामुळे अन्य पर्याय - टॅक्सीचा, अत्यंत खर्चिक) आहे. खरंतर अशा ठिकाणी या ऑनलाईन पर्यायांचा खूप उपयोग होऊ शकतो. पण इथला पोस्टल इंडेक्स नंबर (PIN) टाकला की त्यांची सर्व्हिस दिलेल्या पत्त्यावर उपलब्ध होऊ शकत नाही असा निरोप येतो. रेडिफ़ असो किंवा बिगबझार असो किंवा इतर काही. हा त्रुटी खूप मोठी आहे असं माझं मत आहे.
असंच एकदा रेडिफ़वर मी ऑर्डर केली आणि पेयमेंटच्या आधी पत्ता विचारतात त्या ठिकाणी आमचं गाडं अडलं होतं. अर्थात ऑर्डर पुढे सरकेना. रेडिफ़वर मी ऑनलाईन होतो, पण ऑर्डर करताना कुठल्यातरी लोच्यात अडकलोय हे रेडिफ़च्या लक्ष्यात आलं तेव्हा रेडिफ़च्याच एका कर्मचाऱ्याचा मला मदतीसाठी फोन आला. मी त्यांना सांगितलं की अमुक अमुक प्रॉब्लेम आहे. तेव्हा तो म्हणाला की दिल्ली किंवा जयपूरचा एखादा पत्ता दिल्यास ते तिथे डिलिव्हरी करतील. मग मी म्हटलं, की तिथला पत्ता असता तर मी ऑनलाईन कशाला तडमडलो असतो? स्वतःच दुकानात जाऊन वस्तू विकत घेता आली नसती?

तात्पर्य, आपल्याकडे सेवासुविधा सुरू झाल्या असल्या तरी उपाशी माणसाला पथ्य आणि पोट फुटेपर्यंत जेवलेल्या माणसाला आग्रह असाच प्रकार असल्यामुळे हे पर्याय "गरज" म्हणून कधीच वापरता येत नाही. (आता इथे अमेरिकेशी तुलना केली तर "देशभक्त" मेणबत्त्या जाळत रस्त्यावर चालतील. पण त्रुटी कबूल करणंही दूर आणि त्या सुधारणं त्याहूनही दूर...)

आता क्रेडिट किंवा डेबिट कार्ड वापरून ऑनलाईन शॉपिंग करताना २ पासवर्ड वापरावे लागतात, त्यामुळे इतर हॉटेलात वगैरे कार्ड वापरण्यापेक्षा हे जास्त सुरक्षित आहे.

मी ईबे आणि फ्लिपकार्टत दोन्हीवरून वस्तू नेहमी खरेदी करते. स्थानिक बाजारापेक्षा अनेकदा स्वस्त मिळतात. ४०००/- रु पर्यंत मोबाईल्स सुद्धा घेतलेत (स्वतःसाठी आणि लष्करच्या भाकर्‍या म्हणून). कधी प्रॉब्लेम आला नाही. एक खराब होता, तो विक्रेत्याने ताबडतोब बदलून दिला.

फ्लिपकार्ट हे पुस्तकांसाठी खूपच चांगलं आहे. तर ईबेवर अनेकदा १०% पर्यंत डिस्काउंट ईबेतर्फे मिळतो, त्या त्यावेळेला आवश्यक असलेली वस्तू आधी ठरवून घेणं फायद्याचं ठरतं. ईबेवर खरेदी करताना मी नेहमी विक्रेत्याला किती पॉझिटिव्ह प्रतिसाद आहेत ते पाहूनच घेते.

क्रेडिट कार्ड वापरताना आपण एका झटक्यात सगळे पैसे भरू शकू आणि हप्त्यांच्या जंजाळात सापडणार नाही याची खबरदारी मात्र अवश्य घ्या.

अकुकाका धन्यवाद!
माहितीपूर्ण धागा.

Online खरेदी च्या फंदात अजून तरी पडलेलो नाही.
तुमचा हा धागा वाचून पडावस वाटतंय !

फ्लिपकार्ट डॉट कॉम बेश्ट ....

आम्ही तर चहा पण ऑनलाईनच मागवतो.

आम्ही तर चहा पण ऑनलाईनच मागवतो. >>.

=))
=))
=))

लईच, आवराच !

ऑनलाईन विक्रीच्या किंवा खरं तर सर्वसामान्य ग्राहकांकडून होणार्‍या खरेदीच्या व्हॉल्युम्स (मराठी?) मोठ्या प्रमाणावर वाढ झाल्याने अनेक साईट आणि कंपन्या यात उतरल्या. एकूण इतर खर्च कमी -- इन्फ्रास्ट्रक्चर / कॅपिटल कॉस्ट जवळजवळ नाही. साईट / कॉल सेंटर हाच मुख्य ऑपरेटिंग एक्स्पेंडिचर. शिपिंग हे सहसा भौगोलिक विभागानुसार कंत्राटाने दिलेले. बर्‍याच वेळा तर फक्त ट्रेडिंग कि ऑर्डर मिळाली की एकीकडून माल उचलायचा (आधी ठरवलेल्या किंमतीत) आणि दुसरा शिपर वापरून पोचवायचा. लो / मॉडरेट मार्जिन आणि बेटर व्हॉल्युम्स. एकूणात सध्या सद्दी चांगली चालू आहे असं मॉडेल.
आत्तापर्यंत तरी अनुभव चांगला आहे. ७ हजाराचा मोबाईल इबे इंडियावर २-३ वर्षांपूर्वी घेतला. बाजारात नसलेला रंग मिळवून सर्वात कमी किंमतीत आणि पूर्ण वॉरंटीसह पाठवला होता इबे सेलरने आणि त्यानेच तो पोचेपर्यंत पाठपुरावा केला. पुस्तके काही वेळा घेतली. गेल्याच आठवड्यात इंडिया प्लाझा वर एक पुस्तक घेतले एकूण ४०% कमी किंमतीत २-३ दिवसात उत्तम पॅकिंग मध्ये नीट आले.
ऑनलाईन पुष्पगुच्छ / मिठाई पाठवण्याचा अनुभवही उत्तम आहे. -- www.fernsnpetals.com / www.floraindia.com
अतिशय वेळेत, उत्कृष्ट दर्जाची फुले आणि मिठाई. अर्थात भाव तसा असतो पण सोय आणि सेवा उत्तम आहे.
फ्लिपकार्टचा एकूण अनुभव लोकांचा चांगला आहे. एक नवीन मोबाईल आठवड्यात येतो आहेच तेव्हा समजेलच..

एकूणात गेल्या काहि वर्षात या स्वरुपाच्या सेवांचा दर्जा स्पर्धेमुळे खूपच सुधारला आहे.

फ्लीपकार्ट मस्त आहे राव.

सर्वप्रथम मोबाईलचं कव्हर. (येतं का नाही ते पाहण्यासाठी अक्कल खाते) नंतर पेन ड्राइव्ह आणि आत्ता फिलीप्सचा डिव्हीडी प्लेयर. मस्त पॅकींग मधे पोहचलं.

धन्यवाद मित्र हो......!

-दिलीप बिरुटे

सध्या दिवाळीमुळे अनेक बेस्ट डील्स विविध ऑनलाईन शॉपिंग वेबसाईट्सवर उपलबध होणार आहेत... फ्लीपकार्ट वाजलेली पुंगी आणि त्याचे माफी पत्र सध्या जालावर चर्चेचा विषय आहे.

सध्या कुठे कुठे कुठल्या प्रॉडक्टवर बेस्ट डील आहे ते सांगेल का ? त्यासाठी वेगळा धागा काढला तरी चालेल. :)
आज मी माझे पहिले ऑनलाईन शॉपिंग केले http://www.amazon.in वर. एक्स्टर्नल १ टिबी हार्ड डिस्क्च्या चांगल्या ऑफर वाटल्या म्हणुन Seagate Expansion 1TB Portable External Hard Drive घेतली 7,200.00 ची ही Hard Drive 3,998.00 पडली. आता डिलेव्हरी वाट पाहतो आहे.
कॅमेरा प्रेमींसाठी लेन्सच्या ऑफर सुद्धा दिसत आहेत. ;) Nikon AF-S DX Nikkor 35mm f/1.8G Prime Lens ही १६,०००.०० ची लेन्स चक्क ७,२४९.०० उपलबध आहे बरं का. ;)

मदनबाण.....
आजची स्वाक्षरी :- Hiring records 14% growth; IT/Telecom sector shines again: TimesJobs RecruiteX