जेव्हा अदम्य ऐसी

अनन्त्_यात्री's picture
अनन्त्_यात्री in जे न देखे रवी...
18 Feb 2021 - 6:27 pm

जेव्हा अदम्य ऐसी
निद्रा कवेत घेते
आकाशभाषितांना
ध्वनिचित्ररूप येते

अंधार भिनत जाता
भवताल स्तब्ध होते
संवेदनांस अवघ्या
व्यापून साक्षी उरते

दिग्बंध सैल होती
तर्कास काम नुरते
कालौघ थांबतो अन्
आभास सत्य होते

अज्ञातशा स्वरांचा
अनुनाद ऐकू येतो
एकेक जाणिवेचा
अस्पष्ट बिंदू होतो

निद्रा अशी कृृृृपाळू
अंकी तिच्या मी क्लांत
मी शून्य एरवी, पण
निद्रेत मी अनंत

माझी कवितामुक्तक

प्रतिक्रिया

गणेशा's picture

19 Feb 2021 - 11:23 am | गणेशा

अज्ञातशा स्वरांचा
अनुनाद ऐकू येतो
एकेक जाणिवेचा
अस्पष्ट बिंदू होतो

अप्रतिम..
शब्द अवघड असले तरी त्यामागचा अर्थ जबरदस्त आहे..

खूप दिवसांनी कविता विभाग उघडला..

मस्त वाटले कविता वाचुन...

प्राची अश्विनी's picture

19 Feb 2021 - 5:52 pm | प्राची अश्विनी

कवितेचं शीर्षक पाहिलं आणि ओळखलं की तुमचीच कविता असणार.
मी शून्य एरवी, पण
निद्रेत मी अनंत..
क्या बात!

ज्ञानोबाचे पैजार's picture

19 Feb 2021 - 6:29 pm | ज्ञानोबाचे पैजार

आवडली, खुपच आवडली
पैजारबुवा,

कर्नलतपस्वी's picture

19 Feb 2021 - 10:44 pm | कर्नलतपस्वी

सुदंर

कर्नलतपस्वी's picture

19 Feb 2021 - 10:45 pm | कर्नलतपस्वी

सुदंर

अनन्त्_यात्री's picture

21 Feb 2021 - 3:41 pm | अनन्त्_यात्री

सर्व कवितारसिकांना धन्यवाद.

राघव's picture

21 Feb 2021 - 4:50 pm | राघव

आवडले. :-)