सांगता.....
लागला माझा लळा या आसवांना फार आहे
जाहला नाही बरा जो , हा असा आजार आहे !
हिंडतो मी घेत कोणाच्या ठशांचा माग हा
गुंफुनी हातात "त्या"चा हात ही गुलझार आहे !
बोलणे अन् वागणे जणू अमृताची धार आहे
ओततो पेल्यात माझ्या वीष हा शेजार आहे !
मैफिलीने गीत माझे अन् मला वाखाणले
लांब सदर्‍याआड आता .....फाटकी विजार आहे !
शेवटी रडलीस तू अन् स्वच्छ मी झालो पुन्हा
जा सुखाने नांद सखये , बोलली.....मझार आहे !
प्रतिक्रिया
18 May 2009 - 9:45 pm | क्रान्ति
बोलणे अन् वागणे जणू अमृताची धार आहे
ओततो पेल्यात माझ्या वीष हा शेजार आहे !
=D>
क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***
18 May 2009 - 10:27 pm | प्राजु
हिंडतो मी घेत कोणाच्या ठशांचा माग हा
गुंफुनी हातात "त्या"चा हात ही गुलझार आहे !
क्या बात है!
- (सर्वव्यापी)प्राजु
http://praaju.blogspot.com/
19 May 2009 - 9:03 am | उदय सप्रे
आप्ल्या प्रतिसादाबध्दल मंडळ आपलं लय आभारी हाये !