गावाची ख्याती

परवा इथे विले पार्ल्यात गाण्यातल्या मित्रासोबत एका रजवाडी चहाच्या दुकानात चहा प्यायलो.
सोबत काही बिस्किटे ही खाल्ली. चहा चांगला होता म्हणून पुन्हा अर्धा अर्धा कप चहा सांगितला.
चहा पिताना आणि नंतरही आमच्या गप्पा चालूच होत्या
गप्पांच्या नादात बिल न देता तसेच पुढे निघालो.
थोडे पुढे गेल्यावर चहावाल्याचे बिल द्यायचे लक्षात आले म्हणून परत गेलो.
दुकानदाराला चहाचे बिल किती झाले ते विचारले तर त्यानेच उलट आम्हाला काय काय घेतले ते विचारले.
बिल देऊन झाल्यावर दुकानदाराला विचारले की तु असा कसा रे एखादा बिल न देता निघून गेला तर किंवा खोटे सांगून कमी पैसे दिले तर?
तो दुकानदार म्हणाला साहेब हे पार्ला आहे. इथे गेली आठ वर्षे धंदा करतो आहे. लोक स्वतः होऊन पैसे किती झाले हे सांगतात.
इथले लोक लबाड नाहीत. चांगले आहेत.
ऐकून खूप बरे वाटले.