वारी

मायमराठी's picture
मायमराठी in जे न देखे रवी...
1 Aug 2019 - 10:22 pm

त्यागाने धजलेले, भक्तीत चूर,
देह हे सजलेले ।
धुळीने नटलेले, समर्पणां आतुर
पाय हे वळलेले ।
नामाने माखलेले, वारीचे काहूर
हृदयीं ह्या उठलेले ।
मातीने रंगलेले, भजनांचे सूर
नभीं या दंगलेले ।
माऊलीने भारलेले, भक्तांचे ऊर
कीर्तनीं या न्हालेले ।
पंथ भिजलेले, भक्तीने महामुर,
जीव हे चिंबओले ।
ध्यास ल्यालेले, जरी क्षणभंगुर
आयुष्य विठुरायांत मुरलेले ।
- अभिजीत

कविता

प्रतिक्रिया

जॉनविक्क's picture

1 Aug 2019 - 10:28 pm | जॉनविक्क

मायमराठी's picture

1 Aug 2019 - 10:32 pm | मायमराठी

धन्यवाद

श्वेता२४'s picture

2 Aug 2019 - 2:38 pm | श्वेता२४

वारी आवडली

धन्यवाद. महामुर म्हणजे प्रचंड, पुष्कळ, पावसाकरता वापरलं जाणारं विशेषण.

जगप्रवासी's picture

2 Aug 2019 - 4:32 pm | जगप्रवासी

सुरेख

प्रा.डॉ.दिलीप बिरुटे's picture

4 Aug 2019 - 11:35 am | प्रा.डॉ.दिलीप बिरुटे

ध्यास ल्यालेले, जरी क्षणभंगुर
आयुष्य विठुरायांत मुरलेले ।

वारी थेट उतरली.

-दिलीप बिरुटे