अंधार काठ

Primary tabs

चांदणशेला's picture
चांदणशेला in जे न देखे रवी...
5 Jan 2018 - 9:45 pm

अंधारा काठी उगवल्या राती
आकाशी पेटते चंद्रदिव्यांची ज्योती

गडद रंगांनी नभ गुरफटते
सावल्यांच्या रानात रेशमी चांदणं उतरते

पानांच्या गर्दीत ओला कवडसा पाझरतो
झाडांच्या कंठात वारा शीळ घालतो

पावला पावलांत मुकी रानवाट मिटते
काळोखाच्या कुशीत चिमण्यांचे गाव हरवते

कविताकविता माझी

प्रतिक्रिया

श्रीगुरुजी's picture

5 Jan 2018 - 11:10 pm | श्रीगुरुजी

सुंदर काव्य!

खालील पंक्ती विशेष आवडल्या.

अंधारा काठी उगवल्या राती
आकाशी पेटते चंद्रदिव्यांची ज्योती

चांदणशेला's picture

6 Jan 2018 - 11:55 am | चांदणशेला

धन्यवाद

चाणक्य's picture

7 Jan 2018 - 11:16 am | चाणक्य

तुमचं नाव ही एक कविता आहे राव. 'चांदणशेला'...काय मस्त शब्द आहे.

चाणक्य's picture

7 Jan 2018 - 11:17 am | चाणक्य

नाव 'हीच' एक कविता...असे वाचावे.

चांदणशेला's picture

7 Jan 2018 - 12:31 pm | चांदणशेला

मनापासून धन्यवाद

नाखु's picture

8 Jan 2018 - 7:05 pm | नाखु

लहान मुलांच्या शाळेबाबत खरं असं वाटतं

"पावला पावलांत मुकी रानवाट मिटते
काळोखाच्या कुशीत चिमण्यांचे गाव हरवते"

अप्रतिम कविता

कविता चुकार नाखु

चांदणशेला's picture

9 Jan 2018 - 1:05 pm | चांदणशेला

धन्यवाद