गहन हे मर्म दु:खाचे

अनन्त्_यात्री's picture
अनन्त्_यात्री in जे न देखे रवी...
22 Sep 2017 - 2:59 pm

गहन हे मर्म दु:खाचे
उमजणे कठिण किती असते
साचले युगांचे अवघे
निमिषात अश्रुरूप घेते

उफराटे गणित विषाचे
समजणे कठिण किती असते
मरण्यास पुरे इवलेसे
जगण्यास कितीही कमी पडते

शब्दांच्या निबिड अरण्यी
बहरणे कठिण किती असते
अमरत्व उमलण्या आधी
का मरण विकटसे हसते

कविता माझीमुक्तक

प्रतिक्रिया

यशोधरा's picture

22 Sep 2017 - 4:25 pm | यशोधरा

शब्दांच्या निबिड अरण्यी
बहरणे कठिण किती असते

खरेच, खरेच!

अनन्त्_यात्री's picture

28 Sep 2017 - 11:17 am | अनन्त्_यात्री

प्रतिसादबद्दल आभार