नविन लेखमलिका :’हॅरी पॉटर’

जगात सगळ्यात सुखी पिढी कुठली असेल तर ९० च्यां दशकात जन्माला आलेली, आमची पिढी...!!

ज्या काळात जन्माला आलो त्यात खरं तर नुकत्याच ब-याच नवनवीन गोष्टी आल्या होत्या ... मग टीवी असेल, कॉम्प्युटर असेल, इंटरनेट असेल.....पण हे सगळ काही बालपणी जास्त शिवलं नव्हतं आम्हाला. भर उन्हाळ्यात अख्खी दुपार खेळण्यात घालवणे, सूर-पारंब्या, विटी-दांडू, कबड्डी, असे नानाविध खेळण्यात गेलं. सचिन-सौरभ-राहुल-अजहर हे हिरो असेल तरीही क्रिकेट सुद्धा फार मोठ स्थान काही बळकावू शकलं नव्हतं. जुन्या पारंपारिक मौज-मजेच्या गोष्टी अनुभवलेले आणि तितक्याच प्रेमानं सगळ्या तंत्रज्ञानाला आपलसं करणारी आमची पहिली पिढी..अन उन्हाळ्याच्या सुट्ट्या ह्या मनसोक्तपणे जगलेली शेवटची पिढी...अस्तु.!! अशा अनेक गोष्टींसारखं एका अजून गोष्टीने वेड लावलं ते आजतागायत कायम आहे..एक कादंबरी-चित्रपट शृंखला जिच्यासोबत आम्ही llkid to adult हा प्रवास केला.....या पिढीतल्या कोणालाही एवढा सांगितलं तरी पुरेस आहे.......
’हॅरी पॉटर’

ही शृंखला संपून आता जवळपास अर्ध तप संपत आलंय तरीही त्यांनी मनावर घातलेलं गारुड संपण्याचे नाव घेईल तर शप्पथ ...!! २००१ साली जगासमोर आलेली ती तीन cute मुल आता चांगली २८-३० वर्षांची झाली पण डोळ्यासमोरून जात नाहीत. ते सगळ जादुई जग, हॉगवार्टचा परीसर साद घालतो. आम्हाला ‘हॅरी पॉटर’ दिल्याबद्दल जे.के.रोलिंग ला खरतर किती धन्यवाद द्यावेत हा गहन प्रश्नच.... जवळपास २० वर्षांचा कालावधी ह्या पात्रांनी व्यतीत केला असला तरी अजूनही अनेक गोष्टींबद्दलच कुतूहल आजही तसाच आहे. तेच कमी होण्यासाठी काही प्रमाणात मदत आणि आमच्या परमामित्रांच्या आग्रहावरून पुनश्च: लिहिते होण्यासाठी हा संपूर्ण दोन दशकांचा प्रवास, मग कादंबरी असेल किंवा चित्रपट , किस्से, पडद्यामागच्या गंमती-जंमती या निमित्ताने ही लेखमाला.....नियमित अर्थात ठराविक वेळी post करण जमेल असे नसल्याने नियमितपणे अनियमितता सांभाळून ही लेखमाला मी सुरु करतोय.......

ll श्रीजेकेरोलीन्गापर्णामास्तु ll

©अनिरुद्ध दिलीप प्रभू