व्यवसाय - आपला बहुमोल सल्ला

सुनिल साहेब - तुम्हाला शुभेच्छा. काही गोष्टी पटल्या नाहीत म्हणुन लिहीतो.

१. तुमच्या वेगवेगळ्या कल्पनांमधली फक्त "डिझाईनिंग अँड प्रिंटिंग" हीच मुल्यवर्धन करणारी कल्पना आहे. फक्त झेरॉक्स काढुन, मेमरी स्टीक विकुन फारसे काही हाती लागणार नाही, कारण त्यात तुमचे स्वताचे असे मुल्यवर्धन ( व्हॅल्यु अ‍ॅडीशन ) काहीच नाही.
२ सायबर कॅफे हा मरणाला लागलेला धंदा आहे. इतके स्वस्त प्लॅन आता येत आहेत की हा धंदा फार दिवस चालणार नाही.
३. जो धंदा सोप्पा त्यात स्पर्धा खूप. सायबर कॅफे, झेरॉक्स असल्या गोष्टींची दुकाने एक आड एक इमारती मधे दिसत आहेत. तुम्ही जो रहाता तो भाग नविन असला तर आत्ता कमी पण नंतर खुप होतील. १-१ रुपयाच्या झेरॉक्स मधुन दिवसाला कीती जमणार आहेत?

महिना कमीत्कमी ५०००० उत्पन्न मिळवायचे असेल तर जागा भाडे, व्याज, वर्गण्या, खंडण्या वगैरे धरुन महिन्याला नेट कॅश इन एक लाख असायला पाहिजे. हे झेरॉक्स वगैरे नी कधीही मिळणार नाही.

तुम्ही मुल्य वाढवणारे एकच काम करत आहात ते म्हणजे "डिझाईनिंग अँड प्रिंटिंग", त्यावरच सर्व लक्ष केंद्रीत करा.. हे काम कदाव्हित घरुन पण करता येइल.

मी रहातो त्या भागात अनेक झेरॉक्स आणि सायबर कॅफेची मराठी माणसांची दुकाने आहेत. गेल्या १० वर्षात त्यांच्या आर्थिक रहाणीमानात फार फरक पडलेला मी बघितला नाही. नशिबा नी त्यांच्या जागा स्वताच्या आहेत, नाहीतर दुकान बंद करावे लागले असते.

एका स्त्री ने काढलेले बायकांच्या ड्रेस चे दुकान खूप चालले म्हणुन त्याच्याच आजुबाजुला ४-५ तशीच दुकाने चालू झाली आणि १-२ वर्षात बंद झाली किंवा मालक बदलले. पहिल्या यशस्वी स्त्री ने जे मुल्यवर्धन ग्राहकांना दिले होदे, ते बाकीच्यांना दिसले नाही. वाटले हा सोप्पा धंदा आहे आणि मग फसले.

सायबर कॅफे सोबत विडीओ गेम्स वगैरे पण ठेवू शकतात. यात काही खास उपकरणे असल्याने घरोघरी गेमिग कन्सोल घेत नाहीत. १० ते १५ वयोगटातील मुलांना याचा भारी नाद असतो. पण गुंतवणूक तसेच देखभाल खर्चाची कल्पना नाही.

नविन व्यवसायाला शुभेच्छा.

आमचा पिढीजात व्यवसाय नसल्याने आणि व्यवसायाचा अनुभव नसल्याने, आम्ही फक्त शुभेच्छाच देवू शकतो.

http://vakrangee.in/banking-services.php या साईतला भेट द्या. तुमच्याकडे स्वतः ची किंवा भाड्याची दिर्घ मुदतीच्या करारवर १०० स्के फुट जागा आणि किमान ५ लाख भांडवल असेल तर हा व्यवसाय चालतो. याचे रिटर्न्स भरपुर आहेत. हा सरकार मान्य उद्योग आहे. मी याचे मार्केटींग करत नाही त्यामुळे या साईटवर संपर्क करुन अधिक माहिती मिळवा. खातरजमा करुन ह्यात हवे तर उतरा.

सुनील भाऊ,

आता एक वर्षा नंतर काय परिस्थिती आहे? तुमचा व्यवसाय बऱ्यापैकी सुस्थितीत आला असेल.

तुमच्या अनुभवानं बद्दल वाचायला आवडेल.

शुभेच्छा, सगळ्यात आधी एक Facebook पान सुरु करा.
त्यावर नविन सरकारी नोकर्यांची माहीती द्यायची.
तसाच एक व्हाट्अॅप ग्रुप सुरु करा.
फक्त नोकरी बद्दल माहीती देणारा.
मी तेच केलं, फुकट मार्केटींग आणि समाजसेवाही.
खासगी नोकर्यांचीही माहिती देत जा ग्रुप वर.
माझ्या व्यवसायात खुप फरक पडला याने.
संदरभासाठी वेबसाईट: majhinaukri.in.