शिकार (गझल)

Primary tabs

शार्दुल_हातोळकर's picture
शार्दुल_हातोळकर in जे न देखे रवी...
28 Nov 2015 - 12:58 pm

ना कुठला पापी होतो ना व्यसनी टुकार होतो
नियतीच्या खेळामध्ये मी दुबळी शिकार होतो

दुःखात माखला जन्म त्या जखमा पदोपदीच्या
अनिवार यातना ज्यांचा मी मुकाच हुंकार होतो

सन्मार्ग चाललो तरीही हे दारात उभे दुर्भाग्य
नजरेत जणु दैवाच्या मी अगदी भिकार होतो

त्या बेफाम सागरामध्ये मी क्षुद्र जणु नावाडी
प्रलयास द्यावया झुंज मी कुठे चमत्कार होतो

अविरत जरीही लढलो सुखशिल्प नवे कोराया
परि स्वर्ग निर्मिण्या येथे मी खुजा शिल्पकार होतो

ही गुढ भासली दुनिया स्वार्थाच्या जंजाळातील
पण गुढ उकलण्याजोगा मी कुठे जाणकार होतो

हे अंगण फितुर झाले त्या स्वप्नांच्या पर्णकुटीचे
अन् इतका असुन द्रोह मी कसा निर्विकार होतो

त्या फसव्या ललाटरेषा नि फसवेच पाप-पुण्य
नशिबाच्या वाटेवरचा मी भटका चुकार होतो

स्वप्नांत अडकला जीव परि राख जाहली त्यांची
स्वप्नांस रक्षिण्या तेव्हा मी थिटा प्रतिकार होतो

-शार्दुल हातोळकर

मराठी गझलगझल

प्रतिक्रिया

रातराणी's picture

28 Nov 2015 - 1:02 pm | रातराणी

वा!

माहितगार's picture

28 Nov 2015 - 1:57 pm | माहितगार

भारतीय तत्त्वज्ञानातील मिथ्यावाद, कर्मयोग तसेच बौद्ध आणि इतर तत्त्वज्ञाने या चिरंतन मानवी दु:खावर फुंकर घालण्याचा अल्पसा आणि अंशतः प्रयत्न करत असतात का असे कधी कधी वाटते, आपली गझल पोचली आणि आवडलीही.

पद्मावति's picture

28 Nov 2015 - 3:18 pm | पद्मावति

छानच आहे. आवडली.

शार्दुल_हातोळकर's picture

28 Nov 2015 - 6:25 pm | शार्दुल_हातोळकर

मी पहिल्यांदाच मिसळपाव वर गझल प्रकाशित केली आहे. तुमच्या प्रतिसादाबद्दल मनापासुन धन्यवाद.

एक एकटा एकटाच's picture

28 Nov 2015 - 9:27 pm | एक एकटा एकटाच

वाह!!!!!!!!

अत्रुप्त आत्मा's picture

28 Nov 2015 - 11:49 pm | अत्रुप्त आत्मा

अ प्र ति म!

शार्दुल_हातोळकर's picture

29 Nov 2015 - 12:12 pm | शार्दुल_हातोळकर

धन्यवाद!

विशाल कुलकर्णी's picture

1 Dec 2015 - 3:18 pm | विशाल कुलकर्णी

आवडली ..

वेल्लाभट's picture

1 Dec 2015 - 4:37 pm | वेल्लाभट

कपटाचे टाकत फासे, जेंव्हा नियती अवतरते
बदलती सूर शब्दांचे, ध चा मग मकार होतो

ग़ज़ल आवडेश ! मस्त आहे.

नाखु's picture

1 Dec 2015 - 4:40 pm | नाखु

वाचक नाखु

शार्दुल_हातोळकर's picture

1 Dec 2015 - 9:52 pm | शार्दुल_हातोळकर

दिल खुश झाला !!

विशाल कुलकर्णी's picture

2 Dec 2015 - 8:21 am | विशाल कुलकर्णी

वृत्त कुठले आहे बादवे? मात्रावृत्तातली आहे का ?

शार्दुल_हातोळकर's picture

5 Dec 2015 - 9:39 pm | शार्दुल_हातोळकर

विशालजी, माफ करा पण मला मराठी व्याकरणाचे फारसे ज्ञान नाही आणि मी व्याकरणाच्या फंदात फारसा पडतही नाही. व्याकरणात अडकुन भाषेचे सौंदर्य आणि भाषेचा आनंद हरवतो असे माझे वैयक्तिक मत आहे. इतर जाणकार मंडळी याबद्दल नक्कीच सांगु शकतील.

जव्हेरगंज's picture

6 Dec 2015 - 10:07 am | जव्हेरगंज

आवडली!

मितान's picture

6 Dec 2015 - 10:09 am | मितान

चांगली कविता :)

शार्दुल_हातोळकर's picture

6 Dec 2015 - 7:40 pm | शार्दुल_हातोळकर

धन्यवाद मंडळी !!