बस -- शतशब्दकथा

आज क्युएचा शेवटचा दिवस. बरोबरचे सगळे अगोदरच इतर प्रोजेक्टवर गेलेले, हा एकटाच शेवटपर्यंत बसलेला. कोअर टीम मेंबर ना..
"हुश्श, हे दोन झाले की सुटलो, मग जरा क्युए सोबत बसलो के सगळे पूर्ण होईल. आज तरी ६ची बस पकडता येईल." तो मनातल्या मनात.
तेव्हढ्यात फोन वाजला. "अरे तू आज लवकर येणारेस माहितेय ना?"
"हो हो, निघतोच आता."

त्याने भरभर ते दोन बग फिक्स केले, बिल्ड करून डीप्लॉय पण केले. पटपट निघून बसमधे गाणी ऐकत बसला. बरोबर सहा वाजता ड्रायव्हरने स्टार्टर मारला. बस प्रिमायसेसमधून बाहेर पडते तोवर फोन आलाच.
"अरे बाबा निघालोय, पोचेन लवकरच".

"मनीष मी विकास बोलतोय, बिल्डमधे मेजर इश्यू मिळालाय"