तुझा माझा चंद्र आज थांबला आकाशी
कसा जाऊ स्वागताला , भिजलेली उशी...
तुझ्या माझ्या पावसाने अबोला धरला
कसे सांगू जीवनाचा मेघ हरवला...
तुझी माझी जाई पाणी असून सुकली
कुणी नाही पुसायला मायेने खुशाली...
तुझ्या माझ्या वाटेवर माजलेले रान
उजाड त्या माळरानी जाय आता कोण ...
सखी गेली अर्ध्यावरी सोडूनिया साथ
नाव "साफल्य" घराला, वाटतसे व्यर्थ .
प्रतिक्रिया
8 May 2015 - 7:10 pm | गणेशा
अशीच अवस्था .. शब्द मस्त.. कविता द्यायलाच आलो होतो सेम भाव म्हणुन येथेच रिप्लाय म्हणुन द्यावी असे वाटले..
पण जावुद्या नंतर कधी सेपरेट देतो...
8 May 2015 - 7:55 pm | चुकलामाकला
अरे,द्या ना! वाचायला,अनुभवायला खूप आवडेल.
8 May 2015 - 8:46 pm | अत्रुप्त आत्मा
फार छान .
8 May 2015 - 9:29 pm | एक एकटा एकटाच
मस्त
छान
9 May 2015 - 7:17 am | चुकलामाकला
धन्यवाद!
11 May 2015 - 12:20 am | सांजसंध्या
छान कविता.
11 May 2015 - 3:29 pm | सूड
ह्म्म!!