उन्हाळ्यात अनेक प्रकारची फळे येतात. पांढरे जाम ज्यांना आमच्याकडे विलायती जाम म्हणतात ते या दिवसात मोठ्या प्रमाणात होतात. नुसते खायला छान लागतातच, पण काढल्यावर फार दिवस टिकत नाहीत. घरीच झाड असल्याने त्यांचा दुसरा काहीतरी उपयोग म्हणून सरबत करून पाहिले. सरबत चवीला पन्ह्यासारखे लागते, आणि फ्रिजमध्ये दोन दिवस टिकतेही! हा जामचा फोटो!
साहित्यः पांढरे जाम २०, साखर चार पाच चमचे, मीठ, वेलची पावडर, थंड पाणी.
कृती: जाम स्व्च्छ करून घ्यावेत.जामचे दोन भाग करून त्यातील बिया काढून घ्याव्यात. ज्युसर जारमध्ये जामच्या फोडी , मीठ, साखर घालावे. मीठ साखरेचे प्रमाण चवीनुसार कमी जास्त करावे. या जामना किंचीत आंबट चव असते.साधारण वीस जामसाठी एक ग्लास पाणी घालावे. आणि हे सर्व मिक्सरला फिरवावे. गाळून घ्यावे. वेलची पावडर घालून थंडगार सर्व्ह करावे.
तयार सरबत!
प्रतिक्रिया
22 Apr 2015 - 5:46 pm | उमा @ मिपा
मस्तच!
22 Apr 2015 - 5:46 pm | कविता१९७८
मस्त
22 Apr 2015 - 5:58 pm | पिलीयन रायडर
हे तर पेढ्यांसारखे दिसत आहेत! मस्त गार वाटलं सरबत पाहुन !!
22 Apr 2015 - 6:12 pm | अत्रुप्त आत्मा
हरेश्वर आठवलं!
22 Apr 2015 - 6:15 pm | सौंदाळा
जाम अजाबात आवडत नाहीत पण पन्हे खुप आवडते.
त्यामुळे नक्कीच जामचे सरबत करुन पिण्यात येईल
22 Apr 2015 - 6:35 pm | यशोधरा
जाम खूपच आवडतात! भारी लागत असेल हे सरबत!
22 Apr 2015 - 6:37 pm | अजया
जाम कुठुन मिळवु आता,झाडंच लावते!
22 Apr 2015 - 6:39 pm | कंजूस
फोटो भारी आहेत.जाम पाच प्रकारचे खाल्ले आहेत श्रीवर्धनला.विलायती? बरं बरं.
22 Apr 2015 - 9:01 pm | रेवती
सरबत आवडले. मौसमी फळांचा योग्य उपयोग केलाय.
23 Apr 2015 - 5:06 pm | सस्नेह
मौसमी फळाचा छान उपयोग. मुंबईला गेले असताना लोकलमध्ये काही बायका ही फळे विकताना दिसल्या होत्या.
22 Apr 2015 - 10:14 pm | प्रीत-मोहर
मस्त.
22 Apr 2015 - 10:55 pm | सानिकास्वप्निल
काय छान दिसतंय सरबत. जाम आवडतात पण सरबत कधीच ट्राय नाही केले ,आता कसे प्यायचे हे मस्तं मस्तं सरबत सांग तूच.
23 Apr 2015 - 4:25 pm | अनन्न्या
तेवढाच मिनी कट्टा पण होईल!
23 Apr 2015 - 2:40 pm | दिपक.कुवेत
सो हे सरबत कितपत आवडेल याबबत जरा साशंक आहे....पण आयडिया भारी आहे.
23 Apr 2015 - 2:46 pm | पैसा
जाम अगदी रसाळ असतात. सरबत मस्त होणार! (दीपकने कुठचे जाम खाल्ले देवजाणे!)
23 Apr 2015 - 4:24 pm | अनन्न्या
हेच म्हणणार होते. आता सरबत प्यायला रत्नागिरीस या, जामही मिळतील आणि सरबतही!
23 Apr 2015 - 9:31 pm | hitesh
मुम्बैत मिळतात
24 Apr 2015 - 8:38 am | Maharani
जाम आवडत फळ..मस्तच लागत असणार..
26 Apr 2015 - 8:48 am | नूतन सावंत
सररबत अतिशय सुन्दर दिसते आहे.पाहुनच थंडावा जाणवतोय.
27 Apr 2015 - 5:35 pm | सूड
प्रचंड आवडणार्या फळांपैकी एक, सरबत करुन बघणेत येईल.
28 Apr 2015 - 10:46 am | मदनबाण
जाम खाताना याचे सरबत सुद्धा होउ शकेल असा विचार कधीच केला नव्हता ! वेगळा प्रयोग आवडला. :)
मदनबाण.....
आजची स्वाक्षरी :-Baltimore declares emergency as Freddie Gray riots erupt
29 Apr 2015 - 1:08 pm | इशा१२३
मस्त दिसतय सरबत.अजुन हे फळ कधी खाल्ले नाहिये.