अशी कशी ग तु...........

अशी कशी ग तु...........
नेहमीच हवीहवीशी वाटतेस
असतेस दिवसभर डोळ्यात
अन रात्री स्वप्नांतही जागतेस...........

मी पहातो तुझे प्रातिबिंब
या चमचमणार्‍या नभात
कधी भेटतेस होउनी चांदवा
कधी चंदेरी चांदण्यात लपतेस..............

अशी कशी ग तु...........
नेहमीच हवीहवीशी वाटतेस

अशी कशी ग तु...........
नेहमीच हवीहवीशी वाटतेस
सजतेस अल्लड सरींनी
अलवार ओल्या मिठीत शहारतेस

मी मागतो तुझा इशारा
या चिंब भिजणार्‍या पावसात
कधी वेढतेस तुझ्या आवेगाने
कधी अलगद ओंजळीत साठतेस

अशी कशी ग तु...........
नेहमीच हवीहवीशी वाटतेस

अशी कशी ग तु...........
नेहमीच हवीहवीशी वाटतेस
मोहरतेस आसमंत अस्तित्वाने
हवा तुझ्या श्वासाने गंधाळतेस

मी हरवतो तुझ्या असण्याने
या तुझ्या मंतरलेल्या जगात
कधी भुलवतेस हरएक अदेने
कधी नुसत्या नजरेनेच नशावतेस......

अशी कशी ग तु...........
नेहमीच हवीहवीशी वाटतेस

अशी कशी ग तु...........
नेहमीच हवीहवीशी वाटतेस
रहातेस गुपचुप हृद्यात
सदा आठवणींच्या उंबर्‍यात रेंगाळतेस

मी शोधतो तुझ्या सयेला
या एकांती उरल्या शिवारात
कधी हरवतेस मावळतीच्या रंगात
कधी पापण्यांच्या किनारी अडतेस

अशी कशी ग तु...........
नेहमीच हवीहवीशी वाटतेस