शब्दात गझल वेड्या गावेल का कधी रे?
मोजून फक्त मात्रा साधेल का कधी रे?
करतोस काय गप्पा नुसत्याच काफियांच्या?
वगळून आशयाला चालेल का कधी रे?
नाही मनात श्रद्धा, अन् हात जोडलेले
दगडात देव आहे वाटेल का कधी रे?
खुर्चीच माय झाली स्वार्थांध मानवाची
सत्तेशिवाय त्याचे भागेल का कधी रे?
टाळून याचकाला, अभिषेक सावळ्याचा
वेड्या, विठू तुलाही पावेल का कधी रे?
व्हावे 'विशाल' आता, कोतेपणा गळावा
वृत्ती मनामधे ही बाणेल का कधी रे?
विशाल...
प्रतिक्रिया
24 Jan 2015 - 2:54 pm | गणेशा
गझल आवडली. मस्त एकदम.
बाणेल हा शब्दप्रयोग पहिल्यांदा वाचला, अर्थ मला माहिती नाही. स्पष्ट अर्थ सांगताल का ?
24 Jan 2015 - 7:24 pm | काकाकाकू
बाणणे म्हणजे बिंबणे, मनात धारण करणे उदा. "आपल्या समाजाच्या उन्नतीची आस त्याच्या मनात उपजतच बाणलेली होती.", "महाराज आपल्यासारख्या रयतेचं संरक्षण करतील असा विश्वास त्यांच्या मनात बाणला होता". वगैरे.
का कुणास ठाउक पण "ग्रूपमधल्या त्या एकट्याच्याच मनात, 'निरनिराळी लोकोपयोगी अॅप्स तयार करून सर्वसामान्यांचं काम हलकं करीन' हा आत्मविश्वास पुरेपूर बाणलेला होता" हे वाक्य तांत्रिकदृष्ट्या बरोबर असलं तरी थोडं खटकतं. जुना शब्द निव्वळ वापरात नसतो म्हणून असं होतं का?
असो, विशाल, गझल सुरेख आहे.
25 Jan 2015 - 10:04 am | विशाल कुलकर्णी
धन्यवाद काकाकाकू, माझं काम सोपं केल्याबद्दल.
24 Jan 2015 - 9:52 pm | खमक्या
मस्त उत्तम गझल
-गझलेचा प्रियकर खमक्या
24 Jan 2015 - 11:02 pm | अत्रुप्त आत्मा
क्लास!
24 Jan 2015 - 11:21 pm | प्रचेतस
हेच म्हणतो.
25 Jan 2015 - 9:17 am | hitesh
सुंदर
25 Jan 2015 - 10:05 am | विशाल कुलकर्णी
मन:पूर्वक आभार मंडळी _/\_
26 Jan 2015 - 5:28 pm | राघव
खूप सुंदर रे भावा!
प्रतिसाद द्यायलाच लावणारी रचना. :-)
27 Jan 2015 - 10:22 am | विशाल कुलकर्णी
धन्यवाद राघवभाऊ _/\_
27 Jan 2015 - 12:20 am | सौन्दर्य
ओघवती रचना. सुंदर.
27 Jan 2015 - 10:22 am | विशाल कुलकर्णी
_/\_
27 Jan 2015 - 6:39 pm | शब्दबम्बाळ
मस्त!!!
28 Jan 2015 - 9:13 am | नाखु
किमान शब्द कमाल आशय.
पुलेशु
28 Jan 2015 - 3:43 pm | पैसा
मस्त लिहिलीय!
29 Jan 2015 - 12:00 pm | विशाल कुलकर्णी
आभार्स मंडळी _/\_