"आज म्हणलं माती व्हावं"

"आज म्हणलं माती व्हावं"

कुंभाराच्या पोटासाठी
त्याला एक मडकं द्यावं
कधीतरी कोणासाठी
मातीच एक घरट द्याव
........आज म्हणलं माती व्हावं

भिंतीला त्या पुसायाला
पोते-याच फडकं व्हाव
चूल बनून तापलेल्या
तव्याच ते बुडक घ्यावं
........आज म्हणलं माती व्हावं

कोंब कोंब शरीरावर
पिकांची मी माय व्हाव
मूळ घट्ट पकडुनी
पोटात त्याचं पाय घ्याव
........आज म्हणलं माती व्हावं

कुणब्याच्या सुखासाठी
अंगावरी शाण घ्याव
नांगरुनी शरीराला
स्वताच ते प्राण द्याव
........आज म्हणलं माती व्हावं

आकारुनी कुणी मला
देवाचं ते नाव द्यावं
बसुनीया देवळात
मानसाचा खेळ पहाव

.........आज म्हणलं माती व्हावं