पंचम पुरीवाला, ऑप.जी.पी.ओ, मुं.४००००१

तळलेले अथवा कदाचित उकडलेले पदार्थ अधिक फुलून यावेत आणि कमी कच्च्या मालात अधिक आकाराचा दिसणारा फुगीर अतएव खुसखुशीत / कुरकुरीत पक्का माल बनावा हा उद्देश असेल.

सोड्याचा आणि आंबट पदार्थाचा संपर्क आला की कर्बद्विप्राणिल वायू ( बरोबर आहे नं? थोडक्यात, CO2) मुक्त होऊन पदार्थ फुगतो होतो. त्यामुळे पदार्थ खुसखुशीत/हलका होतो. पदार्थ आंबविण्याच्या कामीही सोड्याचा फायदा होतो. कमी कच्च्या मालात अधिक आकाराचा दिसणारा पदार्थ बनवावा (आणि जास्त नफा मिळवावा) असा उद्देश नसतो.
सोडा घातल्याने शिजण्याची प्रक्रिया लवकर होते ( शास्त्रीय कारण माहित नाही) त्यामुळे शिजण्यास कठीण असणारे पदार्थ (उदा. वाटाणे, पांढरे चणे) शिजवताना सोडा घालतात. भाज्या उकडताना (पुलावसाठी वगैरे) त्यात अगदी किंचित (शेंगदाण्याच्या आकाराचा) सोडा घालतात त्याने भाज्यांचे रंग टिकून राहतात, काळवंडत नाहीत.
खानावळीतील जेवणात सोडा मिसळतात आणि त्यामुळे पोट भरल्यासारखे वाटून माणूस कमी खातो हाही एक गैरसमज आहे. कोणी उपहारगृवाले असे प्रयोग करीत असतील असे वाटत नाही. निदान माझ्या पाहण्यात तरी नाही. मी ही कधी असले प्रकार केले नाहीत.
माझ्या एका मित्राला, उपहारगृहातील जेवणांत, भात पांढराशुभ्र दिसला की त्यात सोडा घातला आहे असा साक्षात्कार व्हायचा. ताक पितानाही, तोंड वाकडे करून, त्यात सोडा घातला असल्याचे अगदी अधिकारवाणीने तो सांगायचा. त्याच्याशी मी कधी वाद घातला नाही. पुढे जेंव्हा मी ह्या व्यवसायात आलो तेंव्हा मला खुप वेगळे अनुभव आले. उपहारगृहात (आणि घरातही) सोडा वापरला जातो पण तो वरील कारणांसाठी, कमी जेवणांत पोट भरल्याची भावना निर्माण व्हावी म्हणून नाही.

सोड्यात वाईट कांहीच नाही. उलट सोड्यामुळे अन्न पचनास मदत होते असे ऐकले आहे.