हा मानवी मनाचा गुंता कसा सुटेना
एकास आवडे जे दुसऱ्यास का पटेना
स्पर्धेत जीवनाच्या का ताळमेळ नाही
कुठलाच मनपतंग कटता कसा कटेना
उपदेश कायद्याचा करण्यात गुंततो जो
सुधरावयास तोरा अपुलाच का झटेना
भिक्कार आहे म्हणुनी धिक्कारतो कुणी तो
किति छान आहे म्हणुनी हा दूर का हटेना
माझ्याचसारखा मी समजे कुणी स्वत:ला
गर्वात आत्मस्तुतिचा फुगता फुगा फुटेना
.
प्रतिक्रिया
6 Mar 2013 - 3:41 pm | कवितानागेश
खूपच मस्त. :)
6 Mar 2013 - 7:05 pm | बॅटमॅन
आशय मस्त, वृत्त चपखल अन भिक्कार-धिक्कारादि यमकेपण छानच!!!
आवडेश :)